«Ֆրանսիայի Ազգային տոնի առնչությամբ իմաստություն կա, հուլիսի 14-ը նշվում է Ֆրանսիայի Ազգային տոն, այս տարի նրա 224-րդ ամյակն է, այն համախմբման, միավորման տոնն է»,-այսօր Ֆրանսիայի Ազգային տոնի առիթով լրագրողների հետ հանդիպման ժամանակ «Ֆրանսիան եւ Հայաստանը» թեմայի շուրջ նշեց Ֆրանսիայի արտակարգ եւ լիազոր դեսպան Անրի Ռենոն:
Դեսպանի խոսքով սա մի պատմական կարեւոր պահ է, որով բոլոր ժամանակներում բոլոր քաղաքական գործիչներն անցել են, որպես կանոն՝ տոնի խորհուրդն է բոլոր ֆրանսիացիներին համախմբված տեսնել: Ազատությունն այն գաղափարն է, որին միտված են բոլորը եւ այն հղկվելու ենթական է:
«Բուն հեղափոխականները առաջնային պլան էին մղել անգիտակցաբար կնոջը, քանի որ հեղափոխության եւ ազատության կերպարը կինն էր: Հայաստանում էլ կանանցից ունեցած ակնկալիքները եւս ավելի բարձր են: Այսօրվա քաղաքացու պատասխանի հանդեպ պատասխանի բացակայությունը խնդիր է, սա նշանակում է, որ նա իր պատասխան ստանալու իրավունքը ունի եւ կգործի»:
Նրա պնդմամբ, Ֆրանսիան համարվում է արեւմտյան թիվ 1 ներդրողը Հայաստանում: Միայն Հայաստանում չէ, որ անհրաժեշտ է բարեփոխումներ անել, դա մի հարց է, որը բոլոր ժամանակներում, բոլոր երկրներում անհրաժեշտ է, այդ թվում եւ Ֆրանսիայում: Չկա մի տարի, որի ընթացքում չգրանցվեն պետական հանդիպումներ Հայաստանի եւ Ֆրանսիայի պաշտոնյաների միջեւ: Ֆրանսիական ներդրումների մակարդակը բարձր սանդղակի վրա է գտնվում եւ միտում ունի ավելի բարձրանալու: Դեսպանի ցանկությունն է Հայաստանի տարբեր խանութներում տեսնել ավելի շատ ֆրանսիական ապրանքներ եւ մեքենաներ:
Կարդացեք նաև
Անժելա ՇԱՀՈՒՄՅԱՆ
