«Մենք հիմա գտնվում ենք չհայտարարված պատերազմական վիճակում»,- այսօր Հայաստանի եվրոպացի բարեկամներ կազմակերպության հրավիրած`«Եվրոպայի հաջորդ խուսափելի պատերազմը` Լեռնային Ղարաբաղ» թեմայով քննարկման ժամանակ կարծիք հայտնեց Տարածաշրջանային հետազոտությունների կենտրոնի տնօրեն Ռիչարդ Գիրագոսյանը:
Ի դեպ, վերջերս լույս է տեսել պարոն Գիրագոսյանի գիրքը`«Եվրոպայի հաջորդ խուսափելի պատերազմը` Լեռնային Ղարաբաղ» վերնագրով, որի ներկայացումն էր նաեւ:
Անդրադառնալով վերջերս ՌԴ-ի կողմից Ադրբեջանին մեկ միլիարդ դոլարի զենքի վաճառքին, պարոն Գիրագոսյանը մտավախություն հայտնեց`Հարավային Կովկասում տարածաշրջանային ուժերի արդեն իսկ կայուն հավասարակշռության փոփոխության համար: Ամեն դեպքում, բանախոսի կարծիքով, թեեւ զինամթերքի ձեռքբերման այս գործարքը Ադրբեջանին ապահովում է հարձակողական սպառազինության հսկայական ծավալով, այդ թվում՝ մարտական տանկեր, ծանր հրետանի, հրթիռ, սակայն, խիստ ռազմական առումով, դա դեռ բավարար չէ ուժերի հավասարակշռության վրա ազդելու համար: «Հայաստանը շեշտը դնում է որակի, քան քանակի վրա: Կարեւոր է նաեւ այն, որ Հայաստանն այլեւս անվտանգության սպառող չի համարվում, ավելի աջակցող է դարձել տարածաշրջանային անվտանգությանը: Սպառազինությունների մասով Հայաստանը միակ երկիրն է, որը վերահսկում է տարածաշրջանը: Հայաստանի բոլոր հարեւանները սպառնալիք են ներկայացնում որեւէ մեկին, բայց Հայաստանը չի ներկայացնում»,-ասաց բանախոսը:
Նա գտնում է, որ Ռուսաստանը բացահայտորեն շահագործում է չլուծված կոնֆլիկտը եւ աճող լարվածությունը, որպեսզի շարունակի ամրապնդել իր իշխանությունն ու ազդեցությունը Հարավային Կովկասում: «Այս առումով, Ռուսաստանը դարձել է ոչ միայն Ադրբեջանի գլխավոր զենք մատակարարողը, այլ նաեւ շարունակում է ընդլայնել իր ռազմական աջակցությունը եւ համագործակցությունը Հայաստանի հետ»,- կարծում է Ռիչարդ Գիրագոսյանը:
Կարդացեք նաև
Նելլի ԳՐԻԳՈՐՅԱՆ
Իսկ եթե Կոշի գաղութից մեկին ուղարկեն բանակցությունների ՌԴ հետ, հետաքրքիր է ի՞նչ արդյունք
կլինի: