2022 թվականին Քաթարում կայանալիք ֆուտբոլի աշխարհի առաջնության բյուջեն բացարձակ ռեկորդ է սահմանելու:
Քաթարի շեյխերը մտադիր են ծախսել $ 200 միլիարդ, որն, օրինակ, 2018 թվականին Ռուսաստանում անցկացվելիք աշխարհի առաջնության բյուջեին գերազանցում է տասն անգամ:
Անհավանական թվացող այս թիվը հրապարակել է աուդիտորական հայտնի Deloitte ընկերությունը, որի հաշվարկներով, $ 140 միլիարդը կգնա տրանսպորտային ենթակառուցվածքների զարգացմանը` մետրոյի եւ նոր օդանավակայանների կառուցում: Զբոսաշրջությանը կհատկացվի $ 20 միլիարդ: Երկու միլիոնանոց Քաթարն աշխարհի առաջնության օրերին սպասում է 400 հազար ֆուտբոլասերների: Մինչեւ առաջնություն կառուցվելու է վեց նոր ստադիոն, երկուսն էլ հիմնանորոգվելու են: Նախատեսվում է նաեւ 2000 քառակուսի կիլոմետր մակերեսով նոր կղզի ստեղծել, ուր հյուրերին կտեղափոխեն հատուկ ջրային տաքսիները:
Նախապես պլանավորվել էր նաեւ ստադիոնները կահավորել անհատական օգտագործման օդորակիչներով եւ ստադիոնների վրա` արհեստական ամպով: Սակայն դրա կարիքը, հնարավոր է, չլինի, եթե աշխարհի առաջնության անցկացման ժամկետը տեղափոխվի ձմեռ, երբ Քաթարում անհամեմատ մեղմ եղանակ է լինում: Եթե դա լինի, շեյխերը բավականին գումարներ կկարողանան տնտեսել: Բայց այդ մասին պաշտոնական հայտարարություն դեռ չկա:
Կարդացեք նաև
Աշոտ ՀԱԿՈԲՅԱՆ
