Կոտայքի մարզի ընդհանուր իրավասության դատարանում քննվող Մարո Գուլոյանի կասկածելի ինքնասպանության գործը Երեւան տեղափոխելու պահանջով այսօր երեկոյան Գուլոյանի իրավահաջորդի ներկայացուցիչ Լուսինե Մինասյանը կհանդիպի դատախազի տեղակալ Մնացական Սարգսյանին:
Այսօր գլխավոր դատախազության շենքի դիմաց Մ. Գուլոյանի ինքնասպանության պատճառների ու հանգամանքների արդար բացահայտման պահանջով բողոքի ակցիան տեղի չունեցավ, եկել էր միայն Գուլոյանների ներկայացուցիչը:
Նրա խոսքերով, նախորդ անգամ պարոն Սարգսյանի հետ հանդիպման ժամանակ, երբ իրենք պահանջել էին վերաբացել Գուլոյանի ինքնասպանության գործը, գլխավոր դատախազն ընդառաջել էր. «Գործը տրվել է նոր քննիչի, արդեն 4-րդ քննիչն է փոխվում: Նախաքննությունը պաշտոնապես վերսկսվել է, թեեւ մեզ գրությամբ այդ մասին չեն հայտնել: Պատրաստվում ենք պահանջել գործի քննությունը տեղափոխվի Երեւան, որովհետեւ թե եղած խնդիրները, թե արդեն շարունակվող խախտումները լուրջ նշան են, որ Կոտայքի մարզից օբյեկտիվ քննությունն ակնկալելն անիմաստ է»:
Թե ինչու են ուզում գործի քննությունը Երեւան տեղափոխել , Լ. Մինասյանն ասաց. «Քանի որ նույն մարմինն է իրականացնելու քննությունը, իսկ նույն մարմնի կողմից արդեն 4-րդ քննիչն է ներգրավվել, եւ Կոտայքի քննչական բաժնից մասնագիտական ոչ մի կարողություն չենք ակնկալում: Միակ լուծումը, գործով օբյեկտիվ բացահայտումը միայն Երեւան տեղափոխելով ենք տեսնում: Երեւանում սպասում ենք քաղաքական չեզոքություն»:
Կարդացեք նաև
Արփինե ՍԻՄՈՆՅԱՆ
