«Բոլոր համակարգերը պետք է միանման ղեկավարել»,-Այսօր «Ազդակ» ակումբում նման տեսակետ հայտնեց Դեմոկրատական կուսակցության նախագահ Արամ Սարգսյանը:
Սարգսյանի խոսքով` Եվրամիությունն ասում է, որ մենք պետք է ընդունենք նրանց մշակած բոլոր ստանդարտները, հակառակ դեպքում այնտեղ տեղ չունենք. «Նրանց պատգամավորների հետ շփման ընթացքում ասացին, որ մենք պարտավոր ենք կատարել բոլոր պարտավորությունները, իսկ եթե դրանք մեր ազգի դե՞մ են… Մեկը այլընտրանքային ծառայության հետ կապված հարցն է, այն դեպքում, երբ մենք բանակը համալրելու խնդիր ունենք, մյուսը` սեռական փոքրամասնությունների իրավունքների այնպիսի ապահովումն է, որ նրանք արտոնյալ վիճակում լինեն, բայց ինչո՞վ է դրա անհրաժեշտությունը: Ես միստիկայից հեռու մարդ եմ, բայց երբ տեսնում եմ, որ դա քաղաքականությանը դեմ է, ապա…»:
Սարգսյանն ասաց, որ իրեն շատ է հետաքրքրում հետեւյալը. «Ես ուզում եմ իմանամ, այսինքն` համոզված եմ, Հովիկ Աբրահամյանը ավանդական ընտանիքի կողմնակից մարդ է, բա ոնց չի հասկանում, թե ինչ են նշանակում այդ օրենքները»:
Նա նաեւ հավելեց, որ ընդդիմությունը միատար չէ, եւ իրենք անպայման պետք է աշխատեն, որ բոլոր այն քաղաքական ուժերը, որոնք իրենց հետ համամիտ են` միավորվեն եւ այս ամենը հրամցնեն հասարակությանը, որովհետեւ այս ամենը վտանգ է հասարակության համար:
Կարդացեք նաև
Եվա ՀԱԿՈԲՅԱՆ
