«Երաժշտությունը բարձրագույն արվեստ է, որից հետո գալիս է ֆիլմը, այն միանգամից հասնում է հոգուն: Ֆիլմ նկարահանելը տղամարդու գործ է, իսկ դիտելն ու զրուցելը՝ կնոջ: Կանացի էներգետիկան ճիշտ հենց ինքն է»,-այսօր լրագրողների հետ հանդիպման ժամանակ «Ոսկե ծիրան» Երեւանի 10-րդ միջազգային կինոփառատոնում Երեւանյան պրեմիերաներ անվանակարգում ներկայացրած իր «Աղջիկը եւ մահը» ֆիլմի մասին նշեց ռեժիսոր Յոս Ստելինգը:
Ռեժիսորի խոսքով սիրո պատմությունները պարզ են, մարդիկ ձգտում են իրար: Նրանց միջեւ պրոբլեմ պետք է ստեղծել, ավելի հետաքրքիր դարձնելու համար: Այդ դաշտը անցյալ եւ ապագա է, ցերեկ եւ գիշեր, սեւ եւ սպիտակ, երբ սիրահարվում ես, գլուխդ կորցնում ես, այն հիվանդությունն է:
Ֆիլմը պատմում է ռուս երիտասարդ Նիկոլայի եւ կուրտիզանուհի Էլիզի ողբերգական սիրո պատմությունը, որն ընդհատվում է նյութապաշտության, հարստության եւ մահվան սպառնալիքի պատճառով: Նիկոլայը Փարիզ մեկնելու ճանապարհին որոշում է գիշերն օթեւանել փոքրիկ հյուրանոցում, որտեղ աշխատում է Էլիզը: Հենց այստեղ էլ նա պատահաբար հանդիպում է գրավիչ աղջկան եւ միանգամից սիրահարվում: Բայց կա նաեւ հովանավորության խնդիր: Կես դար անց Նիկոլայը, վերադառնալով հին հյուրանոցը, որտեղ առաջին անգամ հանդիպել է իր սիրուն, վերապրում է այդ ռոմանտիկ ողբերգությունը:
Ռեժիսորի համոզմամբ՝ ուղեղդ պետք է գործածես սիրտդ լցնելու համար, եթե ինքդ քեզ շատ լուրջ ընդունես, ոչինչ չի ստացվի:
Կարդացեք նաև
Անժելա ՇԱՀՈՒՄՅԱՆ
