Քաղաքագետների միության նախագահ Հմայակ Հովհաննիսյանը Aravot.am-ի հետ զրույցում անդրադառնալով Հայոց ցեղասպանության ճանաչման վերաբերյալ Աղվան Հովսեփյանի ելույթին՝ որտեղ նա ասում է, որ «Հայաստանի Հանրապետությունը պետք է ստանա իր կորցրած տարածքները…», ասաց, որ եթե ՀՀ դատախազը հնչեցնում է նման տեսակետ, ապա դա կարելի է պաշտոնական համարել. «Եթե գլխավոր դատախազը, ով ելույթ է ունենում ոչ թե սեփական խոհանոցում, կամ մասնավոր զրույցի ժամանակ, այլ այդպիսի հայտարարություն է անում ամբիոնից, ապա Աղվան Հովսեփյանը կամ Սերժ Սարգսյանի վարչակազմը ուզեն, թե ոչ` հայտարարությունը վերագրվելու է իշխող վարչախմբին:
Իհարկե այդ տեսակետը, որը նա հնչեցրել է այս պահին, երբ Հայաստանը հայտնվել է խորը սոցիալ-տնտեսական ճգնաժամի մեջ ՝ արտառոց է»:
Հովհաննիսյանի խոսքով՝ դատախազի այդ պահանջը միջազգային ատյաններում չի դիտվի իբրեւ ճնշում, քանի որ Հայաստանը ներկայիս իր խղճուկ վիճակով չի կարող որեւէ մեկի վրա ճնշում գործադրել. «Այդ մեր վրա են ճնշում գործադրում տարբեր հարցերով, որովհետեւ մենք շատ խոցելի ենք»:
Եվա ՀԱԿՈԲՅԱՆ
