Հուլիսի 3-ին ոստիկանության Արարատի բաժնում հաղորդում էր ստացվել Վեդի քաղաքի Թումանյան փողոցի շենքերից մեկի բակում կայանված «ՎԱԶ-21213» մակնիշի ավտոմեքենան փախցնելու մասին:
Ոստիկանության Արարատի մարզային վարչության, Արարատի, Արտաշատի բաժինների և ԼՂՀ ոստիկանության ծառայողների հետ համատեղ ձեռնարկված օպերատիվ-հետախուզական և քննչական միջոցառումների շնորհիվ՝ նշված ավտոմեքենան փախցնելու կասկածանքով, հուլիսի 9-ին, ժամը 09.00-ին, Արարատ քաղաքի Աղբյուր Սերոբի փողոցից Արարատի բաժին բերման են ենթարկվել 1985 թ. ծնված Դավիթ Դ.-ն և 1988 թ. ծնված Արկադյա Հ.-ն:
Պարզվել է, որ նրանք հուլիսի 3-ին, ժամը 02.00-ի սահմաններում, դռան փականը բացելով՝ բակից փախցրել են ավտոմեքենան և ապամոնտաժելու ու դետալները վաճառելու նպատակով տարել ԼՂՀ Ստեփանակերտ քաղաք:
Ավտոմեքենան` սարքին վիճակում, առանց պետհամարանիշերի, հայտնաբերվել է ԼՂՀ Ստեփանակերտ քաղաքում:
Ձեռնարկվում են միջոցառումներ մեքենայի պետհամարանիշերը հայտնաբերելու ուղղությամբ:
Դավիթ Դ.-ն և 1988 թ. ծնված Արկադյա Հ.-ն ձերբակալված են:
ՀՀ ոստիկանություն
