ՀՀ գլխավոր դատախազ Աղվան Հովսեփյանը հուլիսի 5-ին ելույթ ունենալով «Հայոց ցեղասպանության 100-րդ տարելիցին ընդառաջ» խորագրով Իրավաբանների համահայկական երկրորդ համաժողովում՝ հայտարարել է. «Հայաստանի Հանրապետությունը պետք է ստանա իր կորցրած տարածքները»: Այս մասին շատ քաղաքական գործիչներ են խոսել, բայց առաջին անգամ երկրի ուժային կառույցի ղեկավարն է հրապարակավ նման պահանջ հնչեցնում: Տարածաշրջանային հետազոտությունների կենտրոնի ղեկավար Ռիչարդ Կիրակոսյանը Aravot.am-ի հարցերին՝ դա կարո՞ղ է ընկալվել իբրեւ պաշտոնական Երեւանի տեսակետ, եւ ի՞նչ ազդեցություն կունենա գլխավոր դատախազի պահանջատիրական ելույթը, եթե հաշվի առնենք նաեւ այն, որ հաճախ Հայոց ցեղասպանության ճանաչման կամ չճանաչման հարցը համարում են Թուրքիայի վրա քաղաքական ճնշում գործադրելու միջոց, պատասխանեց. «Ոչ, ըստ էության, դատախազի անորոշ մեկնաբանությունները չեն կարող պաշտոնական տեսակետ համարվել: Նա չպետք է իրեն թույլ տար նման վտանգավոր հայտարարություններով հանդես գալ: Իմ կարծիքով, նման հարցերը վերապահված են միայն արտաքին գործերի նախարարությանը եւ ՀՀ նախագահին»:
Եվա ՀԱԿՈԲՅԱՆ
