«Փառատոնը այնքանով է լավ, որ մենք ճանաչում եւ բացահայտում ենք նոր տաղանդների: Աճ եւ զարգացում կա, ինչը միայն գնահատելի է: Ռուսաստանում հայկական մշակույթին եւ գիտությանը լավ ծանոթ են, այն ճանաչել է, սիրելի»,-այսօր լրագրողների հետ հանդիպման ժամանակ «Ոսկե ծիրան» Երեւանի 10-րդ միջազգային կինոփառատոնում «Ռուսական Կինոյի օրեր» ծրագրից նշեց Հայաստանում Ռոսսոտրուդնիչեստվոյի ներկայացուցչության ղեկավար Վիկտոր Կրիվոպուսկովը:
«Ոսկե ծիրան» Երեւանի 10-րդ միջազգային կինոփառատոնը ներկայացնում է նոր՝ «Ռուսական Կինոյի օրեր» հատուկ ծրագիրը՝ Ռուսաստանի դաշնության մշակույթի նախարարության եւ «Կինոֆեստ» պրոդյուսերական կենտրոնի հետ համատեղ: Ծրագիրը կմեկնարկի այսօր Բորիս Խլեբնիկովի «Քանի դեռ գիշերը չի բաժանել մեզ» ֆիլմի ցուցադրությամբ եւ եւս հինգ ֆիլմ: Կցուցադրվեն «Դաշտային մարմինների երկնային կանայք», «Կողքիդ կլինեմ», «Ինտիմ մասեր», «Արքայադստեր պատերազմը», «Մայորը ֆիլմերը:
Ռեժիսոր Նատաշա Մերկուլովայի պնդմամբ՝ նոր ռուսական կինոն իր օժանդակությունն է գտնում պետության կողմից.
«Իմ ֆիլմում կան մերկ մարդիկ, պատմում եմ էրոտիկ պատմություններ, որը հանդիսատեսի համար հարազատ, բայց ոչ բարձրաձայնված թեմա է: Ժամանակն է խոսելու այդ մասին, ամոթ ոչինչ չկա»:
Կարդացեք նաև
Նատաշայի «Ինտիմ մասեր» ֆիլմը միջին խավի մոսկվացիների մասին հեգնական մելոդրամա է: Նրանցից յուրաքանչյուրն ունի մյուսներից թաքուն անձնական գաղտնիք՝ «ինտիմ մասեր»: Գլխավոր կերպարը՝ սկանդալային լուսանկարիչ Իվանը իրեն նայում է մյուսների հետ համեմատության մեջ: Նա համոզված է, որ մարդիկ երջանիկ լինելու համար են ծնվել, իսկ երջանկությունը ինքն իրեն հավատարիմ մնալու ազատությունն է: Սակայն իրական հարցը հետեւյալն է, ինչքան անվտանգ է քո սեփական «ես»-ը դուրս հանելը:
Անժելա ՇԱՀՈՒՄՅԱՆ
