Ամերիկայի Արլինգթոն քաղաքում ավարտվեց շախմատի «Համաշխարհային օփեն» միջազգային հեղինակավոր մրցաշարը, որում հաղթող ճանաչվեց ամերիկաբնակ հայ գրոսմայստեր Վարուժան Հակոբյանը՝ 6,5 միավոր:
Մրցաշարի պաշտոնական կայքը տեղեկացնում է, որ ավարտին մի քանի շախմատիստտներ վաստակել են հավասար միավորներ եւ հաղթողին որոշելու համար կազմակերպիչները նրանց միջեւ անցկացրել են, այսպես կոչված, «արմագեդոն»՝ մահվան մրցաշար: Այստեղ հայ գրոսմայստերն ամենից ավելի հաջող է հանդես եկել եւ ճանաչվել հաղթող:
Կանանց գրոսմայստեր, նույնպես ԱՄՆ-ում բնակվող Տաթեւ Աբրահամյանը 4,5 միավորով պայքարն ավարտել է 50-րդ հորիզոնականում:
Աշոտ ՀԱԿՈԲՅԱՆ
