Նորից ժամանակն է ծանոթանալու երիտասարդների մտքերին: «Առավոտ երիտասարդականը» յուրաքանչյուր շաբաթ «չափում» է նրանց երևակայության սահմանը: Այսպիսով, հարցնում ենք մենք պատասխանում եք դուք. օրվա հարցն է՝ ինչպե՞ս գտնել:
«Գտնելու համար լավ փնտրել է պետք», – կարծում է 20-ամյա Նաիրան:
«Ավելի հեշտ է կորցնել, քան գտնել, – ասում է 23-ամյա Հեղինեն, – իսկ կորցնելուց հետո էլ պետք չէ փնտրել ու գտնել»:
«Այ սենց ուղիղ գնում եք, հետո թեքվում եք աջ, – կատակում է 18-ամյա Տարոնն ու շարունակում, – հանկարծ ձախ չգնաք, մենակ աջ» 😀 :
Կարդացեք նաև
22-ամյա Թագուհին էլ կարծում է անհնարին ոչինչ չկա. «Եթե մի բան ցանկանաս գտնել, հաստատ կստացվի, կարևորը լավ ցանկանալն է»,- ասում է նա:
«Գտնելուց խուսափելու համար պետք է չկորցնել, – ասում է 19-ամյա Գրիգորն ու հավելում, – դրա համար պետք է գնահատել այն, ինչ ունես»
«Ավելի լավ է նորը փնտրել, քան հինը գտնել», – կարծում է 19-ամյա Լիլիթը
20-ամյա Մանեն էլ ավելացնում է. «Բացի այդ հինը գտնելը հնարավոր չէ, ժամանակն ամեն ինչ փոխել է, առաջ գնալ ու նորություններ փնտրել է պետք»:
Տիգրանուհի Թասլակյան
