«Ռուսաստանը Հայաստանի համար դաշնակից է եւ վտանգավոր բառն այստեղ բոլորովին տեղին չէ: Ուղղակի եւ Ռուսաստանը պետք է հստակ գնահատի ու հարգի հայկական շահը, եւ Հայաստանը պետք է գնահատի ու հարգի ռուսական շահերը: Իսկ անվտանգության առումով, տարածաշրջանում ՌԴ-ի եւ ՀՀ-ի շահերը առաջիկայում դեռ երկար ժամանակ հանդես են գալու, որպես միասնական շահեր, որովհետեւ խոսքը երկուստեք անվտանգության ապահովման մասին է»,- Aravot.am-ի հետ զրույցում ասաց ԱԺ արտաքին հարաբերությունների մշտական հանձնաժողովի նախագահ Արտակ Զաքարյանը` չհամաձայնելով մեր այն դիտարկման հետ, որ գազի գնի բարձրացման, այնուհետեւ Ադրբեջանին մեկ միլիարդի զենք վաճառելու իրողությունները փաստում են, որ ՌԴ-ն Հայաստանի համար դառնում է վտանգավոր դաշնակից: Մնացյալ բոլոր առումներով տարբեր մոտեցումները, մեկնաբանությունները եւ կարծիքները Արտակ Զաքարյանը նորմալ է համարում:
Ձեր կարծիքով, ներկայիս զարգացումների համատեքստում Հայաստանն ինքն իր շահը հաշվարկե՞լ է` հարցին, մեր զրուցակիցը հակադարձեց. «Այո, Հայաստանը, որպես անկախ պետություն, բացառապես առաջնորդվում է իր շահերով: Գոնե վերջին 5-6 տարիների համար դա առավել տեսանելի եւ ակնհայտ է»:
Այն, որ ՀՀ-ի դաշնակից ՌԴ-ն շարունակում է ինտենսիվորեն սպառազինել Ադրբեջանին եւ Հայաստանին` ԼՂՀ խնդրի չկարգավորվածության պայմաններում, մեր զրուցակցին մտահոգում է: Ընդհանրապես, նա մտահոգիչ է համարում Ադրբեջանի ցանկացած սպառազինում` անկախ զենքի ձեռքբերման աղբյուրներից: Այդ ամենով հանդերձ, ըստ նրա, հայ-ռուսական ռազմատեխնիկական համագործակցությունն այնքան խորն է եւ փոխկապակցված, որ զուտ տարածաշրջանային բալանսի պահպանման եւ անվտանգության համակարգի կիրառման առումով, առանձնակի խորը մտահոգությունների անհրաժեշտություն չկա:
Նելլի ԳՐԻԳՈՐՅԱՆ
Բոլոր պետություններն էլ անկախ են: De jure, իսկ de fakto անկախ պետություն աշխարհիս վրա գոյություն չունի և ունենալ չի կարող: Այդ թվում և ԱՄՆ-ը: Դուք դա ինձնից վատ չգիտեք: Դաշնակից պետություններ էլ գոյություն չունեն, գոյություն ունեն միայն պետական շահեր: Սա էլ ինձնից ավելի վատ չգիտեք: Ինչ վերաբերում է ՌԴ վերջին “արարքներին”, դա պարզապես ՍՐԻԿԱՅՈՒԹՅՈՒՆ է, անկախ դրդրապատճառներից: Ձեր այս հոդվածում բերված բացատրություննեը կնկարագրեմ ռուսերեն “словоблудие” բառով, որով փորձում եք արդարացնել ձեր և ձեր նմանների, հենց վերջին 5-6 տարվա ՏԱՊԱԼՎԱԾ քաղաքականությունը: Ես սովոր եմ իրերը իրենց անունով կոչել:
Միգուցե մեկ երկուսին կմիամտացնեք, բայց կան մարդիկ, և նրանք մեծամասնությունն են կազմում, որոնք գիտեն, թե ինչ է ներկայացնում իրենից ՀՀԿ-ն ու նրա ղեկավարությունը:
Ամբողջությամբ համամիտ եմ նախորդ գրառման հետ, թե մեծամասնությունը լավ է հասկանում, թե ինչ են իրենցից ներկայացնում ՀՀԿ-ականները: