«Կարեւոր է, որ յուրաքանչյուր անհատ կարողանա ապահովել իր հոգեբանական հանգիստը: Հանգստի հետ կապված կարեւոր է նաեւ մարդու տեսակը, այսինքն՝ ինչպիսին է նա, պասիվ հանգստի կողմնակից է, թե ակտիվ: Ցավալի է երեխաների հանգստի հետ կապված հարցը, քանի որ նրանց հանգիստը կազմակերպելը ոչ միայն կարեւոր է ֆիզիկական հոգնածությունից ազատվելու առումով, այլեւ՝ սոցիալական տարբեր խմբերում շփվելու, ադապտացվելու…»,- այսօր «Զարկերակ» ակումբում ասաց հոգեբան Աննա Բադալյանը:
Թե որքան ժամանակ է հարկավոր հոգնածությունից ազատվելու, հանգստանալու համար, հոգեբանը նշեց. «14 օրը բավարար է եւ վեր է հանում պահեստային ուժերը, չնայած ավելի շատ մեզ մոտ ընդունված են ամառային հանգստի ձեւերը, բայց արշավային տուրիզմը շատ կարեւոր է ու այսօր երիտասարդների մոտ դա մեկ աստիճանով բարձրացել է»:
Եվա ՀԱԿՈԲՅԱՆ
