Հայաստանի Օմբուդսմեն Կարեն Անդրեասյանը այսօր հեռախոսազրույց է ունեցել
Մոլդովայի Օմբուդսմեն Անատոլի Մունթեանուի հետ, ով համակարգում է Մոլդովայի
Խորհրհդարանական փաստաբանների աշխատանքը: ՄԻՊ աշխատակազմը տեղեկացնում է, որ հեռախոսազրույցից ժամեր անց Հայաստանի Օմբուդսմենը ստացել է ուղերձ:
«Հարգելի պարոն Կարեն Անդրեասյան,
Հայտնում եմ իմ ափսոսանքը վերջերս Հայաստանի Հանրապետության Խորհրդարանում ՀՀ
Սահմանադրական դատարանի կողմից կազմակերպված «Իրավունքի գերակայության
եվրոպական չափորոշիչները և իշխանությունների հայեցողության սահմանները ԵԽ
անդամ երկրներում» համաեվրոպական խորհրդաժողովի ժամանակ տեղի ունեցած
միջադեպի վերաբերյալ:
Խորհրդարանական փաստաբան Աուրելիա Գրիգորիուի հայտարարությունը, իհարկե, չի
արտացոլում Մոլդովայի Հանրապետության Մարդու իրավունքների պաշտպանության
ազգային ինստիտուտի դիրքորոշումը նման նուրբ հարցի շուրջ:
Կարդացեք նաև
Մոլդովայի Մարդու իրավունքների կենտրոնը, ինչպես նաեւ այլ պետությունների
օմբուդսմենների հաստատությունները ապաքաղաքականացված են եւ նրանց
գործողությունները բացառապես կենտրոնացած են մարդու իրավունքների պահպանման
դիտարկման ուղղությամբ:
Մոլդոլվայի եւ Հայաստանի օմբուդսմենների գրասենյակները պահպանել են մշտապես
կայուն համագործակցության եւ փոխադարձ աջակցության հարաբերություններ, եւ
Խորհրդարանական փաստաբան Աուրելիա Գրիգորիուի հայտարարությունները չպետք է
երկու հաստատությունների միջև գժտության պատճառ հանդիսանան:
Հուսով եմ, որ այն ինչ պատահեց Երևանում՝ չի ազդի Մոլդովայի Հանրապտեության ե
Հայաստանի Հանրապետության մարդու իրավունքների պաշտպանության ազգային
հաստատույթունների ավանդական հարգանքի և արդյունավետ համագործակցային
հարաբերությունների վրա:
Օգտագործելով այս հնարավորությունը՝ ցանկանում եմ
վերահաստատել, որ այս երկու պետություններում մարդու իրավունքների խթանում և
պաշտպանություն իրականացնելու նպատակով օմբուդսմենի հաստատությունը բաց է
համագործակցության համար:
Անատոլի Մունթեանու
Մոլդովայի Մարդու իրավունքների կենտրոնի տնօրեն, Խորհրդարանական փաստաբան»
