Շոուբիզնեսյան շաբաթը լի էր ծննդյան տոներով և այլ կարևոր իրադարձություններով:
Հուլիսի 4-ին ամուսնացավ շոուբիզնեսի ամենքննարկվող զույգերից մեկը՝ Մարտին Մկրտչյանն ու Հռիփսիմե Հակոբյանը: esyes.am-ի փոխանցմամբ՝զույգը միմյանց տեր և հնազանդ լինելու խոստում է տվել Էջմիածնի Սուրբ Հռիփսիմե եկեղեցում, որից հետո ուղևորվել են փեսայի տուն: Զույգի պսակադրությանը ներկա էին նաև նրանց հայտնի ընկերները`Անդոն ու Ռաֆոն, Ռիչարդ Մադլենյանը, Արման Թովմասյանը…
Կարծես թե անձնական կյանքի լուրջ փոփոխություն էր եղել նաև երգչուհի Սոնա Շահգելդյանի կյանքում, բայց պարզվում է թվացյալը միշտ չէ, որ իրականն է լինում: Վերջերս երգչուհու ֆեյսբուքյան էջի լուսանկարը քննարկումների առիթ էր տվել շատերին: Լուսանկարում Սոնան N-show ակումբի տնօրեն Սամվել Ղազարյանի հետ է: Սակայն օրեր առաջ երգչուհու ֆեյսբուքյան էջում հայտնվեց ևս մեկ գրառում. «Սիրելիներս, եթե ես խոսում եմ իմ զգացմունքների մասին, դա դեռ չի նշանակում, որ արդեն ամուսնանում եմ: Խնդրում եմ հանգիստ թողեք ինձ: Դուք չեք կարող ինչ-որ վիրավորական քոմենթներով ազդել իմ ու Սամվելի հարաբերություների վրա… մենք շատ լավ ընկերներ և կոլեգաներ ենք, ու մեր մեջ կա մեծ հարգանք, իսկ թե հետագայում ինչ կլինի, դա էլ Աստված գիտի»:
Կարդացեք նաև
Շաբաթը հետաքրքիր իրադարձությամբ կարևորվեց նաև հեռուստահաղորդավարուհի Յանա Դանիելյանի համար: Հաղորդավարուհին հուլիսի 3-ին նշել է իր 25-ամյակը, այս մասին գրել է esyes.am-ը: Թեև Յանան չգիտեր, թե իրեն ինչ օր է սպասվում, սակայն Սուրենը նրա փոխարեն ամեն բան մտածել ու անակնկալ էր պատրաստել սիրելի կնոջ համար` իրենց բոլոր ընկերներին հրավիրելով երևանյան ակումբերից մեկը: Հաղորդավարուհու ծննդյան անակնկալները սակայն այսքանով չեն ավարտվել. նա ամուսնուց ծաղկեփունջ է նվեր ստացել, որի մեջ թաքնված է եղել իր նվերը` iPhone5 հեռախոսը:
Հուլիսի 4-ն էլ Հասմիկ Կարապետյանի ծննդյան օրն է: Նա այս տարի դարձել է 36 տարեկան: Ծննդյան կապակցության դեռ գիշերվանից բազմաթիվ զանգեր ու շնորհավորանքներ է ստացել: Երգչուհին NEWS.am STYLE-ին տեղեկացրել է, որ այս տարի ծնունդը ճոխ եւ շքեղ չի նշել, այն անցել է մտերմիկ մթնոլորտում:
Շաբաթվա պրեմիերաները՝ Նառա «Քաղաքների միջով», Սիլվա Հակոբյան «Live a light on», Լիլու «Քեզ»
Տիգրանուհի Թասլակյան
