Այսօր կեօրին «Իրավունքի գերակայության եվրոպական չափորոշիչները եւ իշխանությունների հայեցողության սահմանները Եվրոպայի խորհրդի անդամ երկրներում» թեմայով համաժողովի հյուրերը Անի հյուրանոցից մեկնել են օդանավակայան:
Ըստ առկա տեղեկատվության, Մոլդովայի Հանրապետության խորհրդարանական փաստաբան Տիկին Աուրելիա Գրիգորիուն դուրս չի եկել սենյակից եւ խմբի հետ չի մեկնել: Նրա համար հերթապահ մեքենա է թողնվել հյուրանոցի մոտ, որ երբ էլ ուզի դուրս գալ, ուղեկցեն օդանավակայան, որտեղ պատրաստ են եղել ցանկացած չվերթով ուղարկել:
Սակայն… Սակայն Անի հյուրանոց է եկել մի անձ, ով ներկայացել է որպես Հայաստանում Ռումինիայի դեսպանատան աշխատող, ասել, որ տիկին Աուրելիա Գրիգորիուն Ռումինիայի քաղաքացի է, եւ ես նրան պետք է` ուղեկցեմ: Հյուրանոցի աշխատողներն ընդառաջել են նրան: Այս է իրողությունը:
Կարդացեք նաև
Աուրելիա Գրիգորիուն ՀՀ Ազգային ժողովում «Իրավունքի գերակայության եվրոպական չափորոշիչները եւ իշխանությունների հայեցողության սահմանները Եվրոպայի խորհրդի անդամ երկրներում» թեմայով համաեվրոպական խորհրդաժողովի ժամանակ անդրադառնալով Լեռնային Ղարաբաղի հակամարտությանը հանդես եկել հակահայկական ելույթով: Նա Հայաստանն անվանել է «ագրեսոր երկիր», նշելով, թե «Հայաստանը գրավել է Ադրբեջանի տարածքների 20 տոկոսը՝ ադրբեջանցիների նկատմամբ իրականացնելով ցեղասպանություն», «Խոջալուի ցեղասպանությունն իրականացրել են հայերը, ինչն այլեւս միջազգայնորեն ճանաչված փաստ է»։
Հետո Աուրելիա Գրիգորիուն աղմուկ է բարձրացրել, թե իրեն ուզում են սպանել:
Հովհաննես ՊԱՊԻԿՅԱՆ
