Հայաստանը, որպես աշխարհի մաս կազմող երկիր, հեռահաղորդակցության ոլորտում եւ դրական, եւ բացասական կողմեր ունի: Բացասական կողմերից մեկն այն է, որ մենք մինչ օրս անցում չենք կատարել հեռուստատեսային թվային համակարգի, «Հրապարակի» հետ զրույցում ասել է ՄԱԿ-ի բարձրաստիճան պաշտոնյա է, մասնագիտությամբ՝ տնտեսագետ Վալտեր Մարությանը:
Ըստ նրա, «Արդեն 2 տարի է մնացել, որ աշխարհում ավարտվի թվային սիստեմին անցումը: Մենք դեռ լուրջ անելիքներ ունենք: Հիմնականում երկրներն անցում են կատարել այդ համակարգին կամ արդեն ավարտում են գործընթացը, իսկ մեր երկրում դեռ չեն ավարտվել կազմակերպչական աշխատանքները: Ես, բնականաբար, որպես ոլորտի մասնագետ, շատ մտահոգված եմ, որ Հայաստանը հասցնի: Հակառակ դեպքում մենք երկու տարի անց այս ժամանակահատվածում կարող ենք հեռուստատեսության բնագավառում ականատես լինել կատաստրոֆիկ վիճակի: Ընդհուպ՝ ժողովուրդը կարող է այլեւս չօգտվել թվային սիստեմից, քանի որ հարեւան երկրները, որոնք անցում են կատարել թվային սիստեմի, փակեն հաճախականությունները, եւ մենք այլեւս չկարողանանք անալոգային հաճախականություններով հաղորդումներ կազմակերպել մեր հանրապետությունում: Իմ անհանգստությունը ես փոխանցել եմ ոլորտի պատասխանատուներին, ինչպես նաեւ նախագահն է շատ մտահոգված, եւ երկար քննարկել ենք այս հարցն ու դրա լուծումները»:
Հոդվածն ամբողջությամբ` «Հրապարակ» թերթի այսօրվա համարում
Կարդացեք նաև
