Սահմանադրական փոփոխությունների հարցը վաղուց իշխանության օրակարգում է: Հիշեցնենք, որ հնարավոր սահմանադրական փոփոխությունների մասին խոսակցություններն ակտիվացան 2013 թվականի նախագահական ընտրություններից մի քանի ամիս առաջ, երբ դեռևս հայտնի չէր՝ «Բարգավաճ Հայաստան» կուսակցության նախագահ Գագիկ Ծառուկյանը մասնակցելո՞ւ է ընտրություններին, թե՞ ոչ:
Այս առիթով 168.am-ը գրում է, որ այն ժամանակ խոսվում էր, որ իշխանությունը մտածում է սահմանադրական փոփոխությունների արդյունքում փոխվարչապետի պաշտոններն ավելացնելու ու դրանցից մեկը ԲՀԿ-ին տալու հարցի շուրջ: Թե ինչի՞ արդյունքում դա տեղի չունեցավ, այսօր արդեն էական չէ: Կարեւորն այն է, որ իշխանությունը՝ գուցե դեռևս շատ նեղ շրջանակում, սակայն քննարկում է նոր սահմանադրության հնարավորությունը: Դժվար չէ կռահել, որ թիվ մեկ խնդիրը կապված է գործող իշխանության ապագայի հետ, որը կարող է որոշակիացվել միայն սահմանադրական փոփոխությունների ճանապարհով: Նախագահ Սերժ Սարգսյանը ներկայումս պաշտոնավարում է նախագահության երկրորդ ժամկետը, եւ, չնայած 2018 թվականի ընտրություններին դեռեւս 5 տարի ժամանակ կա, արդեն այսօր ողջ իշխանական ու քաղաքական համակարգը քննարկում է նրա ժառանգորդի հարցը:
Հոդվածն ամբողջությամբ` սկզբնաղբյուր կայքում
