Արդարադատության նախարարության «Նուբարաշեն» քրեակատարողական հիմնարկի կալանավոր, ցմահ ազատազրկման դատապարտված Արարատ Մուրադխանյանի գործով ՀՀ Վճռաբեկ դատարան որոշում է կայացրել:
ՀՀ վճռաբեկ դատարանը 21.06.2013թ-ին հիմք ընդունելով ՀՀ քրեական դատավարության օրենսգրքի 426/4-րդ հոդվածի 1-ին մասի 2-րդ կետի պահանջը, որի իմաստով Մարդու իրավունքների եվրոպական դատարանի 2012թ-ի հունիսի 5-ին «Մուրադխանյանն ընդդեմ Հայաստանի» գործով վճիռն առերեւույթ հիմք է ՀՀ վճռաբեկ դատարանի 2005 թվականի դեկտեմբերի 16-ի, 2006թ-ի փետրվարի 27-ի եւ 2006թվականի մայիսի 4-ի որոշումները նոր հանգամանքներով վերանայելու համար, գտել է, որ Արարատ Մուրադխանյանի ներկայացուցիչ, ՀՀ փաստաբանների պալատի անդամ Լիպարիտ Սիմոնյանի բողոքը համապատասխանում է ՀՀ քրեական դատավարության օրենսգրքի 426/7 հոդվածի պահանջներին: ՀՀ քրեական դատավարության օրենսգրքի 426/8-րդ հոդվածի հիման վրա դատարանն անհրաժեշտ է համարել հարուցել նոր հանգամանքով դատական ակտերի վերանայման վարույթ:
Վճռաբեկ դատարանը հարուցել է նոր հանգամանքի հիմքով ՀՀ վճռաբեկ դատարանի 2005թ-ի դեկտեմբերի 16-ի, 2006թ-ի փետրվարի 27-ի եւ 2006թվականի մայիսի 4-ի որոշումների վերանայման վարույթ:
Կարդացեք նաև
Ռուզան ՄԻՆԱՍՅԱՆ
Լուսանկարում Լիպարիտ Սարգսյանն է
