Երեկ «Հարսնաքար» ռեստորանային համալիրի դիմաց հերթական ակցիայի ժամանակ մայթեզրին պառկելու համար Ոստիկանության Ավանի բաժանմունք են տարել ակտիվիստ Վարդգես Գասպարիին եւ տուգանել 30.000 դրամով:
Պարոն Գասպարին Aravot.am-ին ասաց, որ իրեն չեն բացատրել ոստիկանության բաժանմունք տանելու պատճառը, ապա պատմեց, որ միչեւ բաժանմունք տանելը ինքը լուռ կանգնած էր «Հարսնաքարի» դիմաց ձեռքին՝ «… սպանդանոց, այստեղ է սպանվել Վահե Ավետյանը» գրառումով պաստառ:
«Սկզբում քաղաքացիական հագուստով մեկը ձեռքիցս խլեց պաստառը, հետո մի խումբ ոստիկաններ ձեռքերից, ոտքերիցս բռնած տարան», ասաց նա:
Պարոն Գասպարիին վարչական տույժի են ենթարկել մայթեզրին պառկելու համար՝ հիմնավորելով, որ պառկելով խոչընդոտում է ճանապարհային երթեւեկությունը:
Կարդացեք նաև
Պարոն Գասպարին պատրաստվում է տուգանքի ու ոստիկանների գործողությունների վերաբերյալ իր բողոքն արտահայտել վաղը ՀՀ ոստիկանապետ Վլադիմիր Գասպարյանի տան դիմաց պիկետ անցկացնելով. «Իմ կարգախոսն է լինելու՝ հերիք է լպստեք օլիգարխների կոշիկները»:
Երեկ «Հարսնաքարի» դիմաց ակցիայի միջոցով մի խումբ ակտիվիստներ իրենց դժգոհությունն են հայտնել երգիչներ Մարտին Մկրտչյանի եւ Հռիփսիմե Հակոբյանի հարսանիքն այնտեղ անցկացնելու որոշման առիթով:
Արփինե ՍԻՄՈՆՅԱՆ
Ողջ կեղծ Նժդեհականները, բարգավաճները, օեկ-ները, Վարդգես Գասպարիի կոշիկները չարժեն:
Նրանք չեն լպստում օլիգարխների կոշիկները:
Նրանք հենց օլիգարխների կոշիկներն են, որոնցով քացով են տալիս ոչխար ժողովուրդին…