Ֆրանսիացի դերասան Ժերար Դեպարդիեն, որը հունվարին Ռուսաստանի քաղաքացիություն է ստացել, հայազգի կատակերգու Միխայիլ Գալուստյանի հետ նկարահանվել է «Զայցեւ+1» ռուսական կատակերգական սերիալում: Հայտնում է «ԻՏԱՌ-ՏԱՍՍ» լրատվական գործակալությունը:
Դեպարդիեն մարմնավորել է գլխավոր կերպարներից մեկի՝ Ֆյոդորի, հոր դերը: Ֆյոդորի դերը խաղում է Գալուստյանը:
Դեպարդիեն լրագրողներին պատմել է, որ կատակերգական սերիալներում նկարահանվելու փորձ ինքը չունի. «Մի քանի ֆիլմ կար Պիեռ Ռիշարի հետ, եւ Օստերիքսի ու Օբելիքսի մասին ֆիլմը, բայց կատակերգական սերիալներում երբեք չեմ եղել», – ասել է նա:
Միխայիլ Գալուստյանն ասել է, որ իրեն դուր է եկելԴեպարդիեի հետ աշխատելը. «Դերի համար նա կատարյալ է: Ամեն ինչ շատ հետաքրքիր էր, բացի լեզվական խնդիրներից: Վերջում մենք սկսեցինք շփվել հին հայերենով, կադրերի արանքում երգում էինք Շառլ Ազնավուրի երգերից», – ասել է Գալուստյանը՝ ավելացնելով, որ իրենք հիմա նման են Աստերիքսին ու Օբելիքսին:
Կարդացեք նաև
«Զայցեւ+1» սերիալը մի ուսանողի մասին է, որն անձի երկվություն ունի: Ֆիլմն էկրան է բարձրացել 2011թ., ապրիլին «THT» հեռուստատեսությամբ: Դեպարդիեն մասնակցել է 3-րդ սեզոնի նկարահանումներին, որը հավանաբար կցուցադրվի 2014թ.:
Պատրաստեց Հովհաննես ԻՇԽԱՆՅԱՆԸ
