Հայտնել ենք, որ Լոռու մարզի Թեղուտ եւ Շնող համայնքների բնակիչները հուլիսի 5-ի վաղ առավոտից արգելափակել էին Թեղուտի հանքավայր տանող ճանապարհը: Այդ գործողության պատճառը եղել է այն, որ հանքավայրը տնօրինող ընկերության ղեկավարությունը ցանկապատել է հանքավայրի տարածքը, դրանով խոչընդոտել դեպի անտառածածկ սարեր այդ գյուղերի բնակիչների, անասնապահների տեղաշարժը:
Շնողի գյուղապետ Հովհաննես Սահակյանից տեղեկացանք, որ խնդրի վերաբերյալ նախօրեին բանակցություններ են կայացել «Թեղուտ» ՓԲԸ ղեկավարության հետ, սակայն դրանք արդյունք չեն տվել:
Հուլիսի 5-ին քննարկում է եղել Թեղուտ գյուղում, «Թեղուտ» ՓԲԸ ընկերության գրասենյակում, դրան մասնակցել են նաեւ Լոռու մարզպետ Արթուր Նալբանդյանը, ոստիկանության Լոռու մարզային վարչության պետ Անուբախ Համբարյանը: Որոշվել է , որ այսուհետ Թեղուտ եւ Շնող համայնքների բնակիչները կարող են անարգել անցնել դեպի սարամասեր, այցելել «Թեղուտի «Բարձրել» հանդամասում գտնվող մատուռ:
Ժամը 14.30-ի դրությամբ հիշյալ գյուղերի բնակիչները ապաշրջափակել են Թեղուտի հանքավայր տանող ճանապարհը:
Կարդացեք նաև
Ոսկան ՍԱՐԳՍՅԱՆ
