Հատված «Առաջին լրատվական»-ին Սյունիքի նորանշանակ մարզպետի` ԱԺ ՀՀԿ-ական երիտասարդ պատգամավոր Վահե Հակոբյանի հոր` Քաջարանի պղնձամոլիբդենական կոմբինատի տնօրեն Մաքսիմ Հակոբյանի հարցազրույցից:
– Պարոն Հակոբյան, ի վերջո, Ձեր տղային դարձրեցիք էլի Սյունիքի մարզպետ:
– Մեր տղան ինքն է դառել: Մարզպետը դեռ քիչ ա, մեր տղան ավելի բարձր պաշտոնների ա գնալու, սա դեռ փոքր ա:
– Ստացվում է` իրականացավ Վահեի և Ձեր ցանկությունը:
Կարդացեք նաև
– Բացարձակապես` ոչ: Վահեի և իմ ցանկությունը կիրականանա, կարծում եմ, մի քանի տարիներ հետո, որ շատ ավելի պատասխանատու պոստեր զբաղեցնի:
– Այսինքն` ուզում եք նախագա՞հ դառնա:
– Անպայման, իմ ցանկությունը դա ա: Զինվորը զինվոր չի, որ չի ուզում գեներալ դառնա:
– Պարոն Հակոբյան, կարծում եք` Վահեն կկարողանա՞ ղեկավարել մարզը:
– Եթե հանրապետության ղեկավարությունը գտել է, որ պետք է Վահեն գա մարզպետ, նշանակում է, ուսումնասիրել են, համոզված են, որ կաշխատի:
– Պարզապես ինքը բավական անփորձ է:
– Բացարձակապես սխալ կարծիքի եք: Ինքը շատ մեծ փորձ ունի: Ինքը գործադիրում էլ ա աշխատել, բիզնեսում էլ ա աշխատել, օրենսդիրում էլ ա աշխատել և կրթական համակարգում էլ ա աշխատել:
– Ինքը հիմնականում Ձեր շնորհիվ չի՞ ինչ-որ բաների հասել, պարոն Հակոբյան:
– Բացարձակապես կապ չունի դա:
– Պարոն Հակոբյան, Ձեր տղան ԱԺ-ում իր աշխատանքով աչքի չի ընկել, նաև` որևէ օրենսդրական գործունեությամբ:
– Էդ դուք չեք տեղյակ ուղղակի:
– Ո՛չ ելույթ է ունեցել, ո՛չ օրենսդրական նախաձեռնություններով է հանդես եկել:
– Ես հանրապետության խոշորագույն տնտեսություններից մեկն եմ ղեկավարում, ես էլ ելույթներ չեմ ունենում: Ընդհանրապես, ելույթներով չի աշխատանքը, աշխատանքը գործ անելով ա:
– Սակայն պատգամավորի գործը ելույթ ունենալն է, օրենք գրելն է, Ձեր տղան քանի՞ օրենք է գրել:
– ԱԺ պատգամավորը օրենք չի գրում, դուք սխալվում եք: Գնացեք մի քիչ ուսումնասիրեք, լավ չեք տիրապետում:
Հարցազրույցն ամբողջությամբ՝ սկզբնաղբյուր կայքում
Ճիշտ է` ԱԺ պատգամավորը օրենք չի գրում, այլ ՀԵՂԻՆԱԿՈՒՄ է:
Խեղճ Սյունեցի/Սյունիք – փոթորիկից դուրս եկավ, ընկավ կարկուտի տակ:
Քաջարանի հանքային-կլանային մաֆիան դեռ շատ վնաս է հասցնելու Սյունիքին/Հայաստանին:
ՄԻԱԿ փրկությունը` ազգայնացնել հանքարդյունաբերությունը:
Մարդը ճիշտ ա ասում, տառերը գիտի, որ օրենք գրի? Փոխանակ շնորհակալ լինեք, որ օրենք չի գրել: Սրա գրած օրենքն ինչ պիտի լիներ?
Ամբողջ աշխարհում տպագիր մամուլին աստիճանաբար փոխարինում են էլեկտրոնային ինտերնետային տարբերակները: Մեզ մոտ այդ ամենը չի կայանում, որովհետև միայն պատվերով գրած բամբասանք է, ուղեղ ունեցող մարդու համար անհետաքրքիր իրար ուղղված դատարկախոսություն: Չգիտես ինչու, բայց կայքերի կեսերում միայն վատն են գրում, իսկ մյուս կեսում` միայն լավը:
Օրինակ Վահե Հակոբյանին շատ բաների մեջ կարելի է մեղադրել, բայց իհարկե ոչ` անտառաճանաչության: Շատ գրագետ տղա է, այդքանը կարող եմ ասել: Ամստերդամից բոլշեվիկյան առաջարկներով վարազն էլ չի իմանում, որ պատգամավորը կարող է և չհեղինակել օրենք, օրենքների ճնշող մեծամասնությունը ստեղծվում են կառավարության նախաձեռնությամբ, այդպես ա ամենուրեք, նաև` իր երազած Ամստերդամում: Դուք քննադատելու անընդունակ եք, որովհետև քննադատելու համար տրամաբանություն է պետք, իսկ քննադատելու տեղեր իհարկե կան: