Հուլիսի 5-ը ՀՀ Սահմանադրության օրն է: ՀՀ Սահմանադրության 18-ամյակը:
«Մենք այն փոքրաթիվ ժողովուրդներից ենք, ով դեռեւս ունի դարերի պատմություն եւ սահմանադրության նախագիծ: Այն գալիս է դեռեւս 18 դարի 2-րդ կեսից: Պետք է ունենալ այնպիսի սահմանադրություն, որով նախագահները կառաջնորդնորդվեն»,-այսօր լրագրողների հետ հանդիպման ժամանակ Հայաստանի Սահմանադրության պատմական եւ իրավական արմատների ու խնդիրների մասին նշեց Պատմական գիտությունների թեկնածու, ԵՊՀ դասախոս Գեւորգ Մելքոնյանը:
Բանախոսի պնդմամբ հայ քաղաքական միտքը տեսնում են հանրապետության ձեւավորման մեջ: Սահմանադրության պատմությունն աչքի է ընկնում իր դեմոկրատական սկզբունքներով, խոհելու եւ գործելու ազատ իրավունքով: Սահմանադրությունն արտահայտում է մեր ժողովրդի մտածողությունը.
«Մենք եվրոպացիներից «թխում ենք» շատ օրենքներ, սակայն պետք է հիշել, որ ունենք մեր սեփականը, նման ազգային մտածելակերպին, համաձայն եմ արժե երբեմն ընդօրինակել, բայց պարտավոր ենք հիշել ու պահպանել մերը: Երկիրը պետք է լինի հիմնված բացառապես սահմանադրության վրա»:
Կարդացեք նաև
ԵՊՀ դասախոսի համոզմամբ, մենք դարերով պետականություն չենք ունեցել, առաջնորդվել ենք այն պետության օրենքներով, որի տիրապետության տակ ենք գտնվել: Սա ժամանակի խնդիր է, բանախոսը կարծում է, որ օրենքի իրականացման պրոցեսները կգնան դեպի բարելավում:
Իրավագիտական գիտությունների դոցենտ Էդգար Շաթիրյանի խոսքով սահմանադրություն եզրույթը օգտագործվել է Ք.ա 4-րդ հազարամյակում Արիստոտելի, հռոմեական եւ հունական կայսրերի կողմից:
«Սահմանադրությունն օրենքների օրենք է, այն միայն պետության օրենքը չէ, այն պետության իրավական համակարգի միջուկն է, գաղափարական փաստաթուղթ»:
Իսկ ինչ վերաբերում էր խախտումներին, պրն. Շաթիրյանը պնդում է, որ առավելապես խախտվում են մարդու իրավուներքի ու ազատությունների հետ կապված նորմերը, իշխանության գործադիր մարմինների կողմից:
Անժելա ՇԱՀՈՒՄՅԱՆ
