Հայաստանի երիտասարդական հիմնադրամը և «Մարքեթինգի հայկական ակումբ» ՀԿ-ն Ծաղկաձորի երիտասարդական կենտրոնում կազմակերպում են Businessgame-ի կրթական, տնտեսական նշանակության, ինչպես նաև վերջինիս տեսլականի մասին մասնագիտական ներկայացում:
Նշենք, որ Businessgame սիմուլյացիոն խաղն ամբողջ աշխարհում օգտագործվում է որպես կրթական գործիք։ Բիզնես խաղերը՝ որպես դասավանդման մեթոդ, կիրառվում են ոչ միայն համալսարաններում, այլև բիզնեսի, մարքեթինգի ոլորտներում կադրերի վերապատրաստման ժամանակ։
Հիշեցնենք, որ 2013 թվականի գարնանը Հայաստանի երիտասարդական հիմնադրամի և «Մարքեթինգի հայկական ակումբ» երիտասարդական ՀԿ-ի նախաձեռնությամբ ՀՀ-ում առաջին անգամ կազմակերպվեց Businessgame նորարարական ինտերակտիվ խաղը, որին մասնակցում էին հայաստանյան բուհերի մարքեթինգի, գովազդի, բիզնեսի, PR-ի և հարակից բաժինների ուսանողները։ Անցկացված առաջին Businessgame-ը հանդիսանում էր ՀՀ ձկնաբուծության ոլորտի բիզնես սիմուլյատոր: Ուշագրավ է, որը խաղի նախաձեռնությունը, տնտեսական հաշվարկները և ՀՀ ձկնաբուծության ոլորտի ոսումնասիրությունները կատարվել էին հենց երիտասարդների ուժերով: Ձկնաբուծության ոլորտում գարնանն անցկացված Businessgame-ը ցույց տվեց, որ նման ծրագրերի հաճախակի անցկացումը մյուս ոլորտներում նույնպես կբերի տնտեսական և կրթական դրական արդյունք։ Ծրագրի շրջանակներում տեղի կունենա մասնագիտական քննարկում։
Հայաստանի երիտասարդական հիմնադրամի
հասարակայնության հետ կապերի ծառայություն
