Այսօր Aravot.am-ը ՀԱԿ խմբակցության ղեկավար Լեւոն Զուրաբյանից հետաքրքրվեց՝ միջազգային կառույցներում մի քանի անգամ բարձրացրել եք ՀԱԿ ակտիվիստների հարցը, ի՞նչ արդյունք է դա տվել, ինչպիսի՞ արձագանքներ կան:
Նա պատասխանեց. «Նպատակը մեկն է՝ հասնել նրան, որ այդ մարդիկ ազատվեն: Ինչքան շատ դրա մասին խոսվի, ինչքան շատ լինի միջազգային ճնշումներ այս բռնապետերի վրա, այնքան բարձրանում է նրանց ազատվելու հավանականությունը: Ի վերջո չմոռանանք, որ շատ կոնկրետ հարց է տրվել դեռ մինչեւ նախագահությունը: Նախարարների կոմիտեին հարց էի ուղարկել Տիգրան Առաքելյանի եւ մյուս 3 տղաների վերաբերյալ, որը վերնագրված էր՝ «Քաղաքական բանտարկյալները Հայաստանում»: Դա պաշտոնական փաստաթուղթ է ԵԽԽՎ-ում: Նրանք, ըստ էության, ճանաչել են քաղբանտարկյալների եղելությունը: Քաղբանտարկյալների վերաբերյալ բանաձեւ էր ընդունվել 5 կետով, ես հենվելով այդ չափանիշների վրա ասացի, որ Տիգրան Առաքելյանը բոլոր այդ չափանիշներին համապատասխանում է, ինչո՞ւ դուք քայլեր չեք ձեռնարկում: Այդ փաստաթղթում գրված էր, որ բոլոր դատական գործընթացները պետք է վերանայվեն: Իրենք պատասխանել են, որ արդեն վերանայվում են: Սա նշանակում է, որ ենթատեքստում նրանք ընդունել են, որ ՀԱԿ ակտիվիստները, այո, քաղբանտարկյալներ են, մենք դեռեւս չենք միջամտի, մինչեւ այդ գործընթացն ավարտվի»:
Լեւոն Զուրաբյանի գնահատմամբ՝ դա արդեն իսկ դրական է. «Այսինքն, կոնկրետ մի մեխանիզմ ծառայում է նրան, որ Տիգրան Առաքելյանը հնարավորինս շուտ դուրս գա բանտից»:
Կարդացեք նաև
Հռիփսիմե ՋԵԲԵՋՅԱՆ
