Այսօր հրավիրած ասուլիսում ՀԱԿ խմբակցության ղեկավար Լեւոն Զուրաբյանը Տիգրան Սարգսյանի օֆշորային սկանդալի մասին խոսելիս այսպիսի կանխատեսում արեց: Տիգրան Սարգսյանը, ըստ նրա, կսկսի այսպես պաշտպանվել. «Կասի, որ իմ անունից այդ փաստաթղթերը կեղծվել են: Ես կանխատեսեմ, հետո դուք կտեսնեք՝ այդպես եղա՞վ, թե՞ ոչ»:
Լեւոն Զուրաբյանը մի բան պատմեց, թե ինչ է լսել պատահաբար: Նա նիստերից մեկին շուտ է եկել, լսել է ՀՀԿ-ի խոսակցությունը: Չեն նկատել եւ տաք-տաք խոսել են, որ պետք է վերցնեն ընդդիմության դերը: Հետո նկատել են իրեն եւ զսպել իրենց խոսակցությունը:
Aravot.am-ը հետաքրքրվեց՝ Դուք ասում եք, որ ընդդիմությունը ստիպեց ԱԺ-ում, ընդդիմության առերեսմանը չդիմացան, սակայն Վերահսկիչ պալատի ներկայացրած բացահայտումներից հետո մենք տեսանք, թե ինչքան բուռն էր հատկապես Հովիկ Աբրահամյանի արձագանքը: Հնարավո՞ր է նա անցնի ձեր շարքերը՝ Լեւոն Զուրաբյանը պատասխանեց. «Չեմ կարծում, որ ընդդիմության գործերն արդեն այնքան լավ են, որ Հովիկ Աբրահամյանն արդեն անցնի ընդդիմության շարքերը: Բայց ճգնաժամի խորացումը կարող է բերել, որ նույն ՀՀԿ-ի ներսում ինչ-որ ուժեր հրաժեշտ տան խորտակվող նավին»:
Պարզվում է՝ ի տարբերություն Սերժ Սարգսյանի, ՀԱԿ-ին Իշխան Զաքարյանի կարծիքը հետաքրքրում է. «Մեզ շատ հետաքրքրում էր Իշխան Զաքարյանի կարծիքը: Վստահ եմ, որ դեռ այսբերգի փոքր գագաթն են հայտնաբերել»:
Կարդացեք նաև
Հռիփսիմե ՋԵԲԵՋՅԱՆ
