«ՉԻ» տեղեկություններով՝ ՀՀ վերահսկիչ պալատի բացահայտումների առաջին փուլում աշխատանքից ազատվում է մի մարդ, որը Սերժ Սարգսյանի փեսայի՝ Վատիկանում ՀՀ դեսպան Միքայել Մինասյանի ընկերն է։ Խոսքը «Հյուսիս–Հարավ»–ի շինաշխատանքներում հայտնաբերված չարաշահումների եւ դրանց արդյունքում՝ աշխատանքից ազատված Արա Հովսեփյանի մասին է։ Հիշեցնենք, որ Վերահսկիչ պալատը «Հյուսիս– Հարավ» ճանապարհային միջանցքի շինաշխատանքներում լուրջ խախտումներ էր հայտնաբերել։ Այդ առիթով ՀՀ վարչապետ Տիգրան Սարգսյանը հայտարարել էր, որ պետք է փոփոխություններ կատարվեն, որպեսզի բացահայտված թերությունների պատճառով տույժ– տուգանքներ չկիրառվեն Հայաստանի նկատմամբ։
Միքայել Մինասյանն այդ ժամանակ զբաղված էր Վատիկանի՝ իր նշանակման հարցերով, եւ նա չկարողացավ «ինֆորմացիոն գրոհի» ենթարկել Սերժ Սարգսյանի ուղեղը՝ համոզելու, որ ընկերոջ նկատմամբ խիստ չվարվի։
Մեր տեղեկություններով, սակայն, Մինասյանին հաջողվել է Սերժ Սարգսյանին համոզել եւ վստահեցնել, որ Վերահսկիչ պալատի բացահայտումները «հեքիաթներ» են եւ պետք չէ դրանց տուրք տայով թշնամիներ վաստակել։
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում:
