Ոստիկանության Երևան քաղաքի վարչության օպերատիվ կառավարման կենտրոնից Կենտրոնականի բաժնում հաղորդում է ստացվել, որ իրենց է զանգահարել Մ. Խորենացու փողոցի մի բնակչուհի և հայտնել, որ արհեստավոր է հրավիրել իր տուն, որը չվերջացնելով աշխատանքը՝ տնից գողացել է իր պայուսակը:
Մեկնած օպերատիվ խմբին կինը հաղորդում է տվել, որ իր տան սանհանգույցը վերանորոգող ոմն Վարդան կեսօրին մոտ իր բնակարանի խոհանոցից գողացել է պայուսակ, որի մեջ եղել է իր անձնագիրը, բնակարանի բանալիները, հարդարանքի պարագաներ, փաստաթղթեր և 2 դրամապանակ՝ կանխիկ գումարով` պատճառելով 300.000 դրամի նյութական վնաս:
Ոստիկանության Կենտրոնականի բաժնի ծառայողների ձեռնարկած միջոցառումների շնորհիվ պարզվել է, որ Վարդանը 1961 թ. ծնված Վարդան Ա.-ն է, որը անցկացված բացատրական աշխատանքների շնորհիվ ներկայացել է բաժին:
Նախապատրաստված նյութերն ուղարկվել են ոստիկանության Կենտրոնի քննչական բաժին:
ՀՀ ոստիկանություն
