Aravot.am-ը «Հայաստանի գործատուների հանրապետական միության» նախագահ Գագիկ Մակարյանից հետաքրքրվեց, թե հանրապետության նախագահ Սերժ Սարգսյանն արդյոք ճի՞շտ վարվեց, երբ հրապարակավ քննադատեց Վերահսկիչ պալատի հաշվետվությունը եւ արդյոք այդքանից հետո մեր երկրում վերահսկողություն իրականացնող մարմինները կհամարձակվե՞ն նման խախտումներ հայտնաբերել, էլ ուր մնաց հրապարակել:
Պարոն Մակարյանի կարծիքով, նախագահի նման պահվածքը եւ դրական, եւ բացասական կողմեր ունի: Ըստ նրա, նախագահը հարկադրված է այդպես վարվել` Ազգային ժողովում հաշվետվության շուրջ տեղի ունեցած քննարկումների հետեւանքներից խուսափելու համար. «Նախագահը դա արեց կանխարգելելու համար գործընթացը: Իհարկե, եթե այդ կենդանությունը չլիներ, իմ կարծիքով, ցանկալի էր, որ դա հրապարակային, զանգվածային մամուլով պետք չէր անել, բայց քանի որ արդեն զանգվածային ձեւով դա կատարվել էր, դրա մասին հասարակությունը, մամուլը իրազեկված էր եւ դա տարբեր մեկնաբանությունների առիթ էր տալիս, նախագահը փորձեց կանխարգելել, ընդհանուր հանդարտության, համերաշխության բերելով: Ենթադրում եմ, որ նախագահը նաեւ այլ ինֆորմացիա ունի, որ այստեղ կան շահերի բախումներ, որոշակի ենթակառուցվածքների միջեւ, որոնք պիտի օգտագործեին»:
Գագիկ Մակարյանի մեկնաբանություններն առավել մանրամասն` տեսանյութում
Լուսինե ԲՈՒԴԱՂՅԱՆ
