Աշխատանքի եւ սոցիալական ծառայության նախարար Արտեմ Ասատրյանը Վերահսկիչ պալատի արձանագրած չարաշահումների բացահայտման վերաբերյալ ասաց, որ հիմնականում ընթացակարգային խախտումներ են եղել, ֆինանսական որեւէ կորուստ չի եղել, այսինքն, պետությանը վնաս չեն հասցրել: Խոսքը ծերանոցներին, գիշերօթիկ դպրոցներին գնումների միջոցով տրամադրվող սննդի եւ կենցաղային իրերի մասին, է, սնունդ մատակարարող ընկերությանը գումարը փոխանցվել է, սակայն սնունդն ամբողջությամբ չի տրամադրվել տվյալ ժամանակահատվածում, գումարին համարժեք սննդի մի մասն էլ ուշացումով տարեվերջին մատակարարվել է:
Հարցին էլ, արդյոք համամիտ է նախարարը ԱԺ նախագահ Հովիկ Աբրահամյանի այն գնահատականին, որ բյուջեն լափում են, պարոն Ասատրյանն ասաց. «Բնական է, որ ես համաձայն չեմ, որ պետբյուջեի միջոցները լափվել են»:
Բայց, այնուամենայնիվ, սոցապնախարարը համամիտ է ՎՊ-ի դիտարկումների հետ, իսկ այն ոլորտներում, որտեղ ՎՊ-ն խախտումներ է հայտնաբերել, պատասխանատուները ենթարկվել են պատասխանատվության:
Նելլի ԲԱԲԱՅԱՆ
