Նախագահականում տեղի ունեցած խորհրդակցության ժամանակ Իշխան Զաքարյանի մասով Սերժ Սարգսյանի ելույթից առանձնացրինք հետեւյալը՝
1. Իշխան, ոտքդ գազից վերցրու՝ դու ձեր տանը չես գտնվում,
2. այդպես ես անում, էլի, որ ՎՊ-ի խիարը թարս է աճում,
3. մենք էլ կարող ենք ՀՔԾ-ին հրահանգել, որ ՎՊ-ին ստուգի, բայց հասկանում ենք, որ դա սիրուն չի,
Կարդացեք նաև
Եվ վերջում՝ հլա մի հատ կգաս կաբինետս…
Կարծում ենք՝ Սերժ Սարգսյանը նկատել է, որ մեծ-մեծ գլուխներին բռնելու իր հայտարարությունը ոմանք, այդ թվում եւ Իշխան Զաքարյանը, ուղղակի իմաստով են հասկացել։ Հետեւաբար, պաթոսը թուլացնելու ժամանակն է, այլապես կարող է հերթը գալ այնպիսի գլուխների, որոնք, թու, թու, թու, նախագահի հետ ամեն օր նստող-վերկացողներն են։ Ասենք՝ ինչո՞ւ կգա։ Մի՞թե չի եկել։ Վարչապետից էլ մեծ գլո՞ւխ։ Նախագահի՞ն պետք է բռնեն, որ ասենք՝ բռնեցին։ Պարզ է, չէ՞, որ երբ խոսքը վերաբերում է բյուջեի 70 տոկոսի ռիսկայնությանը, ապա գործը մեկ նախարարով եւ մի քանի փոխնախարարներով չի կարող վերջանալ։ Դա նշանակում է՝ ողջ կառավարությունով ամեն օր, առանց ընդմիջումի կերել են։ Մի քիչ դժվար է հավատալը, իհարկե, բայց եկեք հաշվի առնենք նաեւ, թե ովքեր են ուտողներն ու ինչ ախորժակ ունեն։ Նախագահն իրենցն է, ԱԺ-ն իրենցն է, բոլոր օրենքներն էլ ուտել թույլ են տալիս։ Ուրեմն ինչո՞ւ չուտեն, մանավանդ, որ հարցնող էլ չկա՝ ինչո՞ւ եք ուտում։ Մարդիկ, որպեսզի իրենց էլ չուտեն, իրերն են հավաքում ու գնում երկրից։ Մարդ մնացե՞լ է, որ մի հատ էլ հարցնի՝ ինչո՞ւ։
Բանից անտեղյակ մարդուն կարող է թվալ, թե Սերժ Սարգսյանն էլ նոր է իմացել այս ամենի մասին։ Եկել է, Վերահսկիչ պալատի նախագահի վրա մատ է թափ տալիս՝ բա այդպիսի բան կասե՞ն, սիրտներս ճաքեց։ Մինչդեռ Սերժ Սարգսյանը պետք է մի բան էլ կասկած հայտներ՝ արդյոք բոլո՞րն է բացահայտել ՎՊ-ն, բան բաց չե՞ն թողել, արդյոք։ Ինչ է, Սերժ Սարգսյանն այս ուտողներին, ավելի ճիշտ՝ լափողներին, մեկիկ– մեկիկ չի՞ ճանաչում։ Չգիտի՞ ինչպես են ուտում։ Եթե չգիտի, եթե չի ճանաչում, ավելի վատ իր համար։
Էդիկ ԱՆԴՐԵԱՍՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
Թե չէ չգիտենք, թե ով է ամենամեծ գլուխը…