Կենտրոն եւ Նորք-Մարաշ վարչական շրջանների ընդհանուր իրավասության դատարանի դատավոր Գագիկ Պողոսյանի նախագահությամբ շարունակվեց ԱԻՄ առաջնորդ, ՀՀ նախագահի թեկնածու Պարույր Հայրիկյանի մահափորձի գործով դատական հերթական նիստը:
Այն կարճ տեւեց:
Դատարանում միջնորդությամբ հանդես եկան ամբաստանյալներ, ՀՀ նախագահի թեկնածու, էպոսագետ Վարդան Սեդրակյանը, նախկինում դատապարտված Խաչատուր Պողոսյանը: Վարդան Սեդրակյանի միջնորդությունը վերաբերում էր իր խափանման միջոցը՝ կալանքը փոխելուն, ինչը դատարանն անգամ քննության չառավ:
Իսկ ամբաստանյալ Խաչիկ Պողոսյանը պահանջում էր ամբաստանյալներին ենթարկել փորձագիտական՝ դատաձգաբանական, դատահետքաբանական եւ այլ փորձաքննությունների: Մեկ այլ միջնորդությամբ էլ պիտի պարզվեր, արարքը կատարելիս ամբաստանյալները մեղսունա՞կ են եղել, թե՝ մասամբ մեղսունակ:
Կարդացեք նաև
Դատական հաջորդ նիստը նշանակվեց հուլիսի 9-ին. պաշտպանական եւ մեղադրող կողմն իրենց դիրքորոշումն արտահայտելու համար ժամանակ են խնդրել:
