Այսօր «Արմատ» ակումբում Սիրիայում տիրող իրավիճակի ու հակաքրիստոնեական տրամադրությունների աճի, հայ համայնքի մասին խոսեց
«Նորավանք» գիտահետազոտական կենտրոնի տնօրեն Գագիկ Հարությունյանը:
«Պետք է փաստել, որ Սիրիայում ընթանում է լայնածավալ պատերազմ: ԶԼՄ-ներում չի քննարկվում այն, թե ինչու է ընթանում սիրիական պատերազմը. դա կապված է Իրանի հետ, արաբական աշխարհի կազմալուծման հետ եւ համարվում է այն քաոսը, որ կա տարածաշրջանում, ռիսկեր է ստեղծում Չինաստանի համար»,- ասաց Հարությունյանը, որի խոսքով կարեւոր հանգամանք է հակամարտության հումանիտար կողմը, եւ ըստ նրա, միայն մարտի տվյալներով Սիրիայում զոհվել է 100 հազար մարդ, ինչն իրականում շատ համեստ թիվ է:
«Ընդհանուր քրիստոնեական խնդիրը տարածաշրջանում հուզում է եւ համարվում է, որ տարածաշրջանից մոտ կես մլն-ից ավելի քրիստոնյաներ լքել են բնակավայրերը: Սարսափելի դաժան միջոցներով են պայքարում խաղաղ բնակչության դեմ, մենք բոլորս ինտերնետում էլ տեսնում ենք, թե ինչպես են մարդկանց գնդակահարում… Հատուկ ընդգծվածություն կա քրիստոյաների նկատմամբ, այնտեղ ընդհանուր առմամբ գործում են տասից ավելի զինյալ խմբեր, որոնցից բռնությունն անխուսափելի է: Անհանդուրժողական եւ դաժան են մոտենում մարդկանց…»:
Կարդացեք նաև
Եվա ՀԱԿՈԲՅԱՆ
