Չենայում (Մադրաս) հայերի հաստատման 360 ամյակի կապակցությամբ Հայաստանի Հանրապտետությունը այս տարվա սեպտեմբերին պատրաստվում է մեծ տոնակատարություն կազմակերպել, որին կմասնակցի Թամիլնադ նահանգի գլխավոր նախարար Ջայայալիտա Ջայարամը, գրում է «Նյու Ինդիան էքսպրես» լրատվականը:
Հայերը Չենայում սկսեցին շատանալ 1688թ.: Սուրբ Գեւորգ ամրոցը, որը հայտնի է որպես հայերին պատկանած ամենահին շինություն, ներկայիս ծովակալական տունն է:
Չենայի Մարմալոնգ կամուրջը, որի անունն է հիմա «Մարայմալայ Ադիլագար կամուրջ», 1726-1728թթ. իր անձնական միջոցներով կառուցել է հայ առեւտրական Խոջա Պետրոս Ոսկանը:
1712թ. կառուցված եւ 1772թ. վերակառուցված հայկական եկեղեցին Հնդկաստանում ամենահին եկեղեցիներից է:
Լրատվականն անդրադարձել է նաեւ Մադրասում հրատարակված հայկական «Սահմանադրության»-ը` «Որոգայթ փառաց»-ին` նշելով, որ Շահմիր Շահմիրյանը (լրատվականը գրում է Շահ Ամիրյան) գրել է «Մադրաս» խմբի հետ:
Հայերը Չենայում ոչ միայն առեւտրով էին զբաղվում, այլեւ ստեղծում էին մշակութային արժեքներ, որոնք ճանաչված են ամբողջ աշխարհում, գրում է պարբերականը:
Պատրաստեց Հովհաննես ԻՇԽԱՆՅԱՆԸ
