Էդվարդ Նալբանդյանի ելույթի կապակցությամբ Ադրբեջանը բողոքի նամակ է ուղարկել Եվրոպայի խորհուրդ: Գրում է «Թրենդ» լրատվական գործակալությունը:
Նալբանդյանի հունիսի 24-ի ելույթը, որը կապված էր ԵԽ ամառային նստաշրջանի հետ, ԵԽԽՎ Ադրբեջանի պատվիրակությունը համարել է, որ խախտում է ԵԽ կանոնները՝ իբր թե Նալբանդյանի ասածները համապատասխանում են արտգործնախարարի ելույթին, փոխանակ լինեին ԵԽ Նախարարների կոմիտեի նախագահի ելույթին համապատասխան: Այս մասին լրագրողներին հայտնել է ԵԽԽՎ ադրբեջանական պատվիրակության նախագահ Սամադ Սեյիդովը՝ ավելացնելով, որ իրենք բողոքի նամակ են ուղարկել ԵԽ ղեկավարությանը:
«Նշվեց, որ Նալբանդյանը սխալ հարցեր է բարձրացնում, որոնք չեն արտացոլում իրականությունը եւ Ադրբեջանի հետ կապ չունեն», – այսօր ասել է Սեյիդովը, – «Ավելին, դրանք ճիշտ չեն: Եվս մեկ անգամ ուզում եմ ասել, որ նրա Եվրոպայի խորհրդում ունեցած ելույթը որպես Եվրոպայի խորհրդի Նախարարների կոմիտեի նախագահ՝ անընդունելի է: Դրա համար ԵԽԽՎ-ի մոնիտորինգի հարցերով կոմիտեի անդամները իրենց բողոքն են արտահայտել»:
Կարդացեք նաև
Պատրաստեց Հովհաննես ԻՇԽԱՆՅԱՆԸ
