ԵԿՄ վարչության փոխնախագահ Արա Կետիկյանը վստահեցնում է` իր մարտական ընկեր, Սյունիքի նախկին մարզպետ Սուրիկ Խաչատրյանը 90-ականներին անասնագողությամբ զբաղվելու կարիք չուներ, որովհետեւ ինքը այդ տարիներին բարեկեցիկ կյանքով էր ապրում:
«Երբ սկսվեց շարժումը, Սուրիկ Խաչատրյանն ապրում էր Զապորոժիե քաղաքում եւ բավականաչափ բարեկեցիկ կյանքով: Ինքը վերադարձավ եւ շարժման հենց առաջին օրերին եկավ Հայաստան, Գորիսում սկսեց կազմակերպել ինքնապաշտպանական մարտերը: Մասնակցել է որպես կամավորական նախ հայ-ադրբեջանական բախումներին, հետո՝ ռազմական գործողություններին: 1992-ից Գորիսի շրջանի բոլոր ջոկատները միանում են իրար, եւ բացվում է պայմանագրային գումարտակ, որի հրամանատարը ինքն է լինում: Շատ մեծ գումարտակ էր, որը պաշտպանում էր ե’ւ Գորիսի 150 կմ սահմանը, ե’ւ Որոտան-Կարմրաքար -Գորիս -Կապան մայրուղին, որը անընդհատ թշնամու ոտնձգությունների, կրակահերթի վտանգի տակ էր: Սուրիկ Խաչատրյանը իր պայմանագրային գումարտակով պաշտպանում էր այդ մայրուղին: Այնուհետեւ, 1993 թվականից մեկնում է Արցախ` Ֆիզուլիի հատված եւ մինչեւ 1995 թվականն այդ գումարտակը մնում է այնտեղ: Ինքը անասնագողության կարիք չպետք է ունենար, շատ ապահովված մարդ էր, երբ վերադարձավ հայրենիք ու մասնակցեց շարժմանը, հետո Արցախյան ազատամարտին»,- Aravot.am-ին պատմեց պարոն Կետիկյանը:
Մեր դիտարկմանը, թե որոշ երկրապահներ պնդում են, որ 90-ականներին ոչ նրա գումարտակը տեսան, ոչ էլ նրա հրամանատարությունը, պարոն Կետիկյանն ասաց. «Շատ նորմալ մասնակցել է Արցախյան ազատամարտին եւ նորմալ հրամանատար է եղել»:
Պարոն Կետիկյանի խոսքերով. «Բարոյական քայլ չէ Սուրիկ Խաչատրյանին քննադատելը: Եթե ասելու էին, թող մի քանի ամիս առաջ ասեին: Ես Սուրիկ Խաչատրյանին ճանաչում եմ որպես երկրապահ, մարտական ընկեր, Արցախյան ազատամարտի ակտիվ մասնակից: Նա լավ կազմակերպիչ է, կարգապահությանը շատ մեծ նշանակություն է տալիս եւ խիստ է բոլոր ոլորտներում` լինի՝ թե որպես ջոկատի հրամանատար, թե քաղաքացիական աշխատանքում եւ թե որպես մարզպետ: Բարձր կարգապահության տեր մարդ է եւ իր ենթականերից միշտ կարգապահություն է պահանջել: Նաեւ դա է պատճառը, որ շատերը դժգոհ են նրանից»:
Կարդացեք նաև
Մեր դիտարկմանը, թե Սուրիկ Խաչատրյանին ճանաչողները պատմում են, որ նա սարսափի, վախի մթնոլորտ էր ստեղծել Սյունիքում , պարոն Կետիկյանն ասաց. «Սյունիքում շատ եմ եղել, հետը շփվել եմ, երբեք չեմ վախեցել ու չեմ տեսել` որեւէ մեկը վախենա»:
Արփինե ՍԻՄՈՆՅԱՆ
իսկ բարոյական է նրա կողմից կատարված բազմաթիվ հանցագործությունները, և ե թե նման բաներ արած չլյներ, ժողովուրդը չէր ասի, ողջ գորիսը ուրեմն սուտ է խոսում, իսկ դուք ճիշտ. պետք չէ հանցագործին գովաբանել.
Պարոն Կետիկյան, ես Ձեզ ընդհամենը ունեմ մեկ հարց, որտեղ էր 2008թ.ին, Ձեր մարտական ընկերը, երբ Գորիսում Սյունիքի արդեն իսկ նախկին մարզպետի հանձնարարականով Գորիսի ԵԿՄ վարչությանը դահլիճ չէին տրամադրում, իսկ եթե չկար վախի մթոլորտ ապա ինչու էր Գորիսի քաղաքապետ Նելսոն Ոսկանյանը անջատել իր բջջայինը ու փախել քաղաքից, սակայն, չնայած դրան, Դուք կարողացաք վախի մթնոլորտում հավաքվել Գորիսի եկեղեցու դահլիճում և Գորիսի ԵԿՄ վարչության նախագահ ընտրել Համլետ Մկրտչյանին:
Կեցցես, պարոն Կետիկյան,Դուք դասվում եք այն մարդկանց շարքին,ովքեր այս կյանքում ուղիղ են քայլում և շիտակ խոսել գիտեն: Վերջապես գտնվեց մեկը, ով կարողացավ ներկայացնել նրա անցած մարտական ուղին: Հպարտ եմ, որ դեռևս կան նման մարդիկ:
Էս կետիկյանը 200 տարի էլ ապրի «պարոն» չի դառանա: Քծնանքը մարդուն պարոն չի դարձնում:
Այո,Ճիշտ եք,ապրել է որոշ ժամանակ Զապոչոժե քաղաքում,աբյց ոչ թե բարեկեցիկ այլ գողացող աղվեսի կայնքով քողարկված այդ տարներին մեծ տարածում ունեցող “Зубники” մասնագիտությամբ…այո ճիշտ եք,նա մասնակցել է ազատամարտին,բայց ոչ թե մարտական գործողություններին,այլ ալան-թալանին և շատ տաղանդավոր ձևի կազմակերպել է թալանը ազատագրված տարացքներից…այո ունեցել է գումարտակ,և նրա գումարտակում եղել են և դեռևս կան հրաշալի տղաներ,ովքեր նաև կռվել են,բայց մեծ հաշվով լիսկան եղել է ասֆալտի ֆիդայի
Աղվեսի վկան իր պոչն է…
կետիկյան դու ընդամենը մի փոքրիկ կետիկ ես ուրիշ ոչիչ…..
Մեկնաբանություններն ու խոսքերն էլ լռիվ ավելորդ են քո պարագայում…