Այսօր ԵԽԽՎ ամառային նստաշրջանի լիագումար նիստում քննարկվեցին Մարդու իրավունքների և հիմնարար ազատությունների պաշտպանության մասին եվրոպական կոնվենցիային վերաբերող հարցեր:
Մեծ Բրիտանիան ներկայացնող պատվիրակ Քրիստոֆեր Չոփը իր զեկույցում նշեց, որ անհրաժեշտ է կոնվենցիայում ներգրավել մի կետ, որն ավելի կամրացնի կապը Մարդու իրավունքների եվրոպական դատարանի և անդամ երկրների բարձրագույն ատյանի դատարանների միջև:
Լիագումար նիստում քննարկվող հաջորդ թեման վերաբերում էր պետական և քրեական պատասխանատվության տարանջատմանը: Զեկույցով հանդես եկավ Նիդերլանդները ներկայացնող պատվիրակ Փիթեր Օմցիգը: Այս զեկույցի վերաբերյալ քննարկումներն առավել բուռն էին՝ կապված հետխորհրդային երկրներում գոյություն ունեցվող իրավիճակի հետ:
Ելույթի համար հերթագրվել էր նաև Հայաստանի պատվիրակության անդամ, ՀԱԿ խմբակցության պատգամավոր Լևոն Զուրաբյանը, սակայն նա այդպես էլ ելույթ չունեցավ:
Կարդացեք նաև
Ուկրաինացի պատվիրակները շեշտեցին, որ քաղաքական և քրեական պատասխանատվության տարանջատման թեման առավել սրված է հետխորհրդային երկրներում, և Ուկրաինան այդ առումով միակը չէ: Լատվիացի պատվիրակ Լոլիտա Գիգանեն էլ այս համատեքստում հիշատակեց Ադրբեջանի քաղբանտարկյալների թեման :
Տաթև ՀԱՐՈՒԹՅՈՒՆՅԱՆ
