Երեկ ԵԽԽՎ ամառային նստաշրջանի լիագումար նիստում քննարկվեցին սեռական կողմնորոշման հիման վրա սեռական խտրականության դեմ պայքարին եւ գենդերային ինքնությանը վերաբերող հարցեր: Քվեարկության էր դրվել ՌԴ-ի կողմից ներկայացված «Փոքրամասնությունների շրջանում ոչ ավանդական սեռական հարաբերությունների քարոզչությանը» վերաբերող օրենսդրական նախաձեռնությունը: Վեհաժողովն այն մերժեց:
Նշենք, որ այս թեմայով բուռն քննարկումներ ծավալվեցին, որոնցից պարզ էր դառնում, որ ԵԽԽՎ պատվիրակները միտված են պաշտպանել սեռական փոքրամասնությունների իրավունքները: Նրանք սեռական փոքրամասնությունների իրավունքների պաշտպանության հարցերը միևնույն հարթության վրա դիտարկեցին, ինչպես օրինակ, խոսքի, մամուլի ազատությունը:
Պատվիրակները նշեցին, որ ոչ ավանդական սեռական հարաբերությունների քարոզչությունն արգելող օրենսդրական նախաձեռնությանը «կողմ» քվեարկելու դեպքում մեծ ռիսկեր կարող են առաջանալ, որով, օրինակ, սեռական փոքրամասնությունների նկատմամբ ներկայումս հասարակության շրջանում գոյություն ունեցող թշնամանքն ու ատելությունը կօրինականացվի:
Նշենք նաև, որ Վեհաժողովը ընդունեց համապատասխան փաստաթուղթ , որտեղ համապատասխանաբար ներկայացված են այն գործողությունները, որոնք պիտի իրականացնեն ԵԽ Նախարարների կոմիտեն ու անդամ երկրները նշված ոլորտում գոյություն ունեցող խնդիրների լուծման համար:
Կարդացեք նաև
Տաթև ՀԱՐՈՒԹՅՈՒՆՅԱՆ
