Բրազիլահայ գրոսմայստեր Գրիգոր-Սեւակ Մխիթարյանն այսօր «Varna Open» 7-րդ միջազգային մրցաշարի եզրափակիչ` 9-րդ տուրում, սպիտակներով միավորը բաժանեց բուլղարացի գրոսմայստեր Եվգենի Ժանեւի հետ եւ նվաճեց հաղթողի կոչումը, տեղեկանում ենք «e3e5» շախմատային կայքից:
Մխիթարյանը նախավերջին տուրից հետո մեկ միավորի առավելություն ուներ, որը պայքարի ավարտին պահպանեց 2-10-րդ տեղերում դասավորված մրցակիցների նկատմամբ:
Մրցաշարին մասնակցող հայ երկրորդ շախմատիստը` Բուլղարիան ներկայացնող միջազգային վարպետ Վալենտին Փանբուկչյանը, 5,0 միավորով 89 մասնակիցների մեջ պայքարն ավարտեց 30-րդ հորիզոնականում:
Աշոտ ՀԱԿՈԲՅԱՆ
