«ՀՀ նախագահական ընտրություններից հետո միջազգային հանրությունը շնորհավորեց կեղծարար Սերժ Սարգսյանին, ով գողացել էր հայ ընտրողների քվեն: 1995-ից ի վեր իշխող կուսակցությանը թույլ է տրվել ապօրինի կերպով վերադարձնել իշխանությունը: Անշուշտ, միջազգային հանրության ընտրությունն է շնորհավորել կեղծարարին : Բայց ո՞ւր մնաց խիղճը» ,- ԵԽԽՎ ամառային նստաշրջանի լիագումար նիստի ընթացքում Մայլիս Ռեփսինի՝ «Կոռուպցիան որպես սպառնալիք իրավունքի գերակայությանը» զեկույցի շուրջ հնչեցրած իր ելույթում այսպիսի հայտարարություն արեց Հայաստանի պատվիրակության անդամ, «Ժառանգություն» խմբակցության պատգամավոր Զարուհի Փոստանջյանը:
Նա փաստեց, որ կոռուպցիան շարունակում է մնալ այն հիմնական խնդիրը, որը լուրջ սպառնալիք է օրենքի գերակայության համար: Խոսելով հասարակական ոլորտում կոռուպցիոն դրսևորումների մասին` Զ. Փոստանջյանը նշեց. «Նախագահը, վարչապետը, նախարարները կարող են չարաշահել իրենց լիազորությունները, ոստիկանությունը և այլ իրավապահ մարմիններ կաշառակերությամբ զբաղվել, զբաղվել փողերի լվացմամբ և այլն»:
Տիկին Փոստանջյանը նշեց, որ Հայաստանում փետրվարի 18-ին տեղի ունեցած «կեղծված» ընտրություններից հետո «Թրանսփերենսի ինթերնեյշնլ» հակակոռուպցիոն կենտրոնը քարոզարշավ է իրականացրել, որով հորդորում էր ԱԺ-ին բարեփոխումներ իրականացնել Ընտրական օրենսգրքում:
Զ. Փոստանջյանը հղում կատարեց ԵԱՀԿ/ԺՀՄԻԳ դիտորդական առաքելության հայտնաբերած խախտումներին ու նշեց. «Հայաստանի բնակչությունը խորապես հիասթափված է այն բանից, որ ԵԽ պաշտոնյաները, եվրոպական այլ կառույցների պաշտոնյաների հետ միասին, ինչպես, օրինակ, Ժոզե Մանուել Բարոզուն, Վիլֆրեդ Մարթենսը խթանեցին կոռուպցիան հետխորհրդային երկրներում: Ցավոք, այսօր մենք շատ հաճախ դառնում ենք կոռուպցիայի զոհ: Մենք անձամբ ճանաչում ենք կոռումպացված պաշտոնյաներին և ունենք իրական մեխանիզմներ նրանց դեմ պայքարելու համար: Սակայն դեռ շարունակում են հաղթել խավիարի դիվանագիտությունը կամ աշխարհաքաղաքականությունը, կամ երկուսը միասին»:
Կարդացեք նաև
Տաթև ՀԱՐՈՒԹՅՈՒՆՅԱՆ
Զարուհի Փոստանջյանի ելույթները ԵԽԽՎ ամբիոններից և այլ ատյաններից, ինձ մեծ հիացմունք է
առաջացնում: Նա ողջ Հայ ազգի՝ ազնիվ, համարձակ, խելացի, վեհ արժանապատվության դրսևուրումն է: Նման պայծառ անհատականություն, որի պայքարը՝ խավարամտության և խավարամոլության
դեմ է, հաճախ է ենթարկվում ամենադաժան դիմադրության,՝ երկիրը կողոպտող ու թալանող սողունների կողմից: Սակայն նրան ոչինչ չի կարող կանգնեցնել, իր ազգանվեր գործից:
Ազգիդ անձնվեր, Դու վեհ Զարուհի,
Անչափ կանացի, քնքուշ Հայուհի,
Դու ըմբոստ դահիճ՝ անարդարության,
Հույսն ու պարծանքը՝ համայն Հայության:
Թող աստվածը քեզ, լինի պահապան,
Դու անելիքներ ունես անսահման,
Չէ՛ որ Հայ հողում շատ մոլախոտեր,
Դարձել են մի բուռ Հայոց երկրի տեր:
Կանցնի եռեսուն, քառասուն տարի,
Ժողովուրդտ քեզ, մայր կհամարի,
Ամեն առիթով՝ ձեռքդ համբուրի,
Որպես իր մայրի, որպես իր քույրի:
Сам Евросоюз коррумпированная организация, в чем мы убедились неоднократно. И после такого удачного выступления что-то будет или изменится к лучшему, врядь ли.
Խոսքը (հատկապես) Հայաստանի ԻՆՍՏԻՏՈՒՑԻՈՆԱԼ կոռուպցիայի (state/institutional corruption) մասին է:Իսկ ԵՄ-ն այդպես չէ. անհիմն է կոմենտդ: