Aravot.am-ի տեղեկություններով, Սյունիքի նախկին մարզպետ Սուրեն Խաչատրյանն իր մերձավորների շրջանակում վստահաբար հայտարարում է, որ որդու հարցը երկու ամսից կլուծվի` հօգուտ իրենց: Ըստ մեր աղբյուրի, նախկին մարզպետը նաեւ ժամկետներ է նշում, թե եթե որդին «նստի» էլ դա շատ կարճ է տեւելու: Օրերս նախկին մարզպետը այս մասին խոսել է նաեւ գործող որոշ մարզպետների շրջապատում, որոնք նրան հանդիպել են «Մարիոթ Արմենիա» հյուրանոցի սրճարանում:
Հիշեցնենք, որ Սյունիքի նախկին մարզպետ Սուրեն Խաչատրյանի Գորիսի առանձնատան մոտ հունիսի 2-ի գիշերը տեղի ունեցած սպանության փաստի առիթով հարուցված քրեական գործով զբաղվում է ՊՆ քննչական ծառայությունը: Երեկ, Aravot.am-ի հարցին, թե ի՞նչ նորություն կա նախկին մարզպետի որդուն առնչվող քրեական գործից, ծառայության հասարակայնության հետ կապերի բաժնի ավագ սպա Մերի Սարգսյանը հայտնեց` դեռ ոչ մի նորություն չկա, գործը նախաքննության փուլում է:
Նախկին մարզպետի տան մոտ տեղի ունեցած կրակոցների ընթացքում հրազենային վնասվածքներով հիվանդանոց էր տեղափոխվել, ԼՂՀ N զորամասի հրամանատար Արտակ Բուդաղյանը, իսկ եղբայրը` Ավետիք Բուդաղյանը սպանվել էր նույն օրը մարզպետի տան մոտ տեղի ունեցած հրաձգություններից:
Սուրեն Խաչատրյանի որդու հետ կալանավորվել էր նաեւ նախկին մարզպետի թիկնապահը Զարզանդ Նիկողոսյանը: Նրանք ներկայումս գտնվում են «Նուբարաշեն» քրեակատարողական հիմնարկում:
Կարդացեք նաև
«Առավոտ»
էս չլինի անհաստիք համա-նախագահ է աշխատում հիմա