«ԱՎՈ» ՍՊ ընկերությունը դիմել էր Կենտրոն եւ Նորք-Մարաշ վարչական շրջանների ընդհանուր իրավասության դատարան՝ «Միլանո» «Օլիմպ» ՍՊ ընկերության դեմ՝ ավելացված արժեքի հարկի վերաբերյալ հարկային հաշիվ տրամադրելուն պարտավորեցնելու պահանջի մասին:
Մինչ այս դատարան դիմելը, «ԱՎՈ»-ն դիմել էր Արաբկիր եւ Քանաքեռ-Զեյթուն վարչական շրջանների ընդհանուր իրավասության դատարան, բայց քանի որ պարզվել էր, որ «Օլիմպը» գրանցված է իրավաբանական անձանց պետական ռեգիստրում՝ ք.Երևան Աբովյան- 4 հասցեով, իսկ նրա գործունեության հասցեն Երևան, Հյուսիսային պողոտա -10-ն էր, գործն ընդդատյացության կարգով ուղարկվել էր Կենտրոնի դատարան:
Ավելացված արժեքի հարկը կազմել էր 35 միլիոն դրամ:
Այսօր Թբիլիսյան խճուղում գտնվող Կենտրոնի դատարան չէր ներկայացել հայցվոր կողմը:Եվ քանի որ դա երրորդ անգամ էր, ուստի դատավոր Ալեքսեյ Սուքոյանն առանց նրանց նախնական դատական նիստ անցկացրեց:
Կարդացեք նաև
«Միլանո-Օլիմպի» ներկայացուցիչ, ՀՀ փաստաբանների պալատի անդամ Տիգրան Հայրապետյանը միջնորդեց, որպեսզի դատարան ներկայանա փորձագետ Հրաչյա Հովհաննիսյանը: Դատարանը բավարարեց այդ միջնորդությունը :
Դատաքննությունը նշանակվեց հուլիսի 25-ին:
Ռ.Մ.
