Հայ երաժիշտ Երվանդ Բոստանջին, որը լքել էր Թուրքիան 1976թ.-ին և 1993թ.-ից ապրում էր ԱՄՆ-ում, անցած շաբաթ վերադարձել է Դիարբեքիր: Հայտնում է «Արմենիան ուիքլի» թերթը:
Ուդահարին Թուրքիայի օդանավակայանում դիմավորել են նրա ընկերները և մի խումբ արվեստագետներ:
«Արմենիան ուիքլի»-ի հետ զրույցում Բոստանջին պատմել է, որ Դիարբեքիրը լքել էր անձնական պատճառներով. «Ես սիրահարվել էի քուրդ աղջկա, բայց հանգամանքների պատճառով չէի կարող ամուսնանալ նրա հետ: Ես վճռեցի հեռանալ, – ասել է նա, – Բայց ԱՄՆ-ում այդպես էլ չհարմարվեցի, իմ սիրտը Դիարբեքիրում էր: ԱՄՆ-ի իմ ստուդիայի պատերը պատված էին Դիարբեքիրի նկարներով ու տեղի հայտնի երաժիշտներով»:
Դիարբեքիր ժամանելուց հետո իրեն ողջունելու եկած ընկերների համար Բոստանջին նվագել է հայկական, քրդական և թուրքական երգեր:
Կարդացեք նաև
Պատրաստեց Հովհաննես ԻՇԽԱՆՅԱՆԸ
