Այսօր` խոշտանգումների զոհերի աջակցության միջազգային օրվա կապակցությամբ, «Քաղաքացիական հասարակության ինստիտուտ» եւ «Ընդդեմ իրավական կամայականության» հ/կ-ները քայլերթ էին կազմակերպել ՀՀ ոստիկանության, Կենտրոն եւ Նոր- Նորք վարչական շրջանների ընդհանուր իրավասության դատարանի, հատուկ քննչական ծառայության, գլխավոր դատախազության եւ Վճռաբեկ դատարանի երթուղիով:
«Քաղաքացիական հասարակության ինստիտուտի» հաղորդակցության գծով ղեկավար Զառա Ամատունու խոսքերով, քայլերթով փորձում են բարձրացնել խոշտանգումների եւ անպատժելիության մթնոլորտի մասին խնդիրները:
Հ/կ-ների ներկայացուցիչներn իրենց առաջարկություններն էին գրավոր փոխանցում վերը նշված պետական կառույցների ղեկավարներին:
«Առաջարկում ենք կոնկրետ քայլեր. Ամենակարեւորը` մինչեւ հիմա խոշտանգում եզրույթը Քրեական օրենսգրքով համապատասխանեցված չէ ՄԱԿ-ի կոնվենցիային… որը շատ դեպքերում թյուրիմացություն է բերում, երբ գործերը հասնում են դատարան: Առաջարկում ենք նաեւ, որ մասնագետներն անցնեն համապատասխան որակավորում, որ համակարգում նրանք իմանան` ինչպես բացահայտել գործը եւ չդիմել խոշտանգումների: Մի ուրիշ առաջարկություն էլ` երբ գործերը գնում են դատարան եւ բարձրաձայնվում է խոշտանգումների մասին, այսօրվա դրությամբ, քրեական որեւէ պատասխանատվություն չկա, իսկ մեր առաջարկությունն է, որ անմիջապես գործը ուղարկվի հատուկ քննչական ծառայություն` լրացուցիչ վարույթի համար»:
Կարդացեք նաև
Մանրամասները՝ տեսանյութում
Արփինե ՍԻՄՈՆՅԱՆ
