ԱԺ ՀՅԴ խմբակցության քարտուղար Աղվան Վարդանյանի կարծիքով, մինչեւ օֆշորային հայտնի սկանդալի հստակ պարզաբանմանը, կաթողիկոսի որոշմամբ, Արարատյան թեմի առաջնորդ օֆշորային սկանդալի մեջ ներգրավված Նավասարդ Կճոյանը պետք է մի կողմ քաշվեր, վարչապետն էլ գոնե արձակուրդ գնար:
«Հիմնական հարցը հետեւյալն է` կա՞ նման բան, թե ՞ չկա: Ծանոթ եմ բոլոր ներքին արտաքին հնարավոր մեկնաբանություններին: Մեր պետական կառավարման համակարգի այսօրվա իրավիճակում իրավապահ մարմինների վստահության այս մակարդակում ակնկալել, որ ներքին իրավապահների միջոցով կպարզաբանվի խնդիրը, եւ դրան բոլորը կհավատան, անհնար է: Լավ կլիներ` այս խնդիրը խորությամբ քննարկվեր: Ի վերջո, այս բացահայտման վերաբերյալ մամուլի հրապարակումները չեն եղել տարբեր, իրար հետ կապ չունեցող մարդկանց վերաբերյալ: Աշոտ Սուքիասյանը Սուրբ Սարգիս եկեղեցու խաչքավորն է, վարչապետը եւ սրբազանը սերտ հարաբերություններ, ունեն, սրբազանը վարչապետի երեխաներից մեկի կամ մի քանիսի քավորն է: Կառուցվել է մի շղթա, որ բոլորը առնչություն ունեն: Անկախ ամեն ինչից, կարծում եմ, որ կաթողիկոսը պետք է իր դիրքորոշումը հստակ արտահայտի, մինչեւ հարցի վերջնական պարզաբանումը, Արարատյան թեմի առաջնորդը, կաթողիկոսի որոշմամբ, կողքի քաշվեր: Ինչու չէ նաեւ վարչապետի` թեկուզ ժամանակավոր արձակուրդի մեկնելը: Այս հարցը համապետական խնդիր է… Եթե սա մնաց չպարզաբանված, մինչեւ վերջ չհանգուցալուծված, ապա անընդհատ շարունակելի կլինի: Մինչեւ վերջ խորությամբ պետք է ուսումնասիրվի»:
Անդրադառնալով լուրերին, թե օֆշորային սկանդալը թեժ պահելու համար 100- ավոր դոլարներ են ներդրվել, պարոն Վարդանյանն ասաց. «Եթե ասում եք կա պատվեր խնդիրը թեժ պահելու, ապա հետեւելով մեր ԶԼՄ-ներին` տեսնում եմ մյուս կողմի համակարգված աշխատանքը` դա դարձնելու Աշոտ Սուքիասյանի ինքնագործունեությունը եւ այլն: Սա պետք է բացահայտվի, ու հստակ լինի` պատասխանատվություն կա՞, թե` ոչ , այլապես հերթական մի ականն ենք դնում մեր պետականության հիմքերում»:
Կարդացեք նաև
Արփինե ՍԻՄՈՆՅԱՆ
Պարոն Աղվան Վարդանյան,ինչու՞ էք ,,Սրբազան,, անվանումը աղավաղում ու էդ այլասերված վանականին պատվում նման վեհ կոչումով: