Անդրադառնալով Տիգրան Սարգսյանի հետ կապված օֆշորային սկանդալին՝ սոցիոլոգ Ահարոն Ադիբեկյանը հայտարարել է, թե դա «կոպիտ, գռեհիկ սադրանք է», հետո էլ ասել է՝ «Գուգլը բացեք, տեսեք քանի Տիգրան Սարգսյան կա»։
«ՉԻ» – Ըստ երեւույթին Ահարոն Ադիբեկյանը սոցհարցում է անցկացրել, ասենք, 1200 երեւանցիների շրջանում եւ պարզել, որ հարցվածների 37 տոկոսի կարծիքով՝ Տիգրան Սարգսյանի հետ կապված օֆշորային սկանդալը կոպիտ եւ գռեհիկ սադրանք է, 29 տոկոսի կարծիքով՝ գռեհիկ, բայց ոչ կոպիտ, 22 տոկոսի կարծիքով՝ ոչ թե սադրանք է, այլ խարդավանք եւ այլն։
Իսկ թե ով եւ ինչպես է վճարել Ահարոն Ադիբեկյանին այս հարցման համար՝ հասկանալի է. նա խոստովանել է, որ ինքը եւս հաշիվ ունի օֆշորային գոտում։
Ինչ վերաբերում է «Գուգլը բացելուն», ապա այստեղ պրն Ադիբեկյանն իրավացի է. հաստատ մեկից ավելի Տիգրան Սարգսյաններ կան։ Բայց խնդիրն էլ հենց այն է, որ փաստաթղթերում նաեւ վարչապետ Տիգրան Սարգսյանի տան հասցեն է նշված։ Թե՞ նրա տանը նույնպես բազմաթիվ Տիգրան Սարգսյաններ են գրանցված, ու վարչապետը դրանցից խաբար չէ։
Կարդացեք նաև
Հոդվածն ամբողջությամբ կարող եք կարդալ «Չորրորդ ինքնիշխանություն» թերթի այսօրվա համարում
