ՀԱՐՑ. Թուրքիան սկսել է ավելի ակտիվորեն շահարկել Մեծամորում տեղակայված հայկական աէկ–ի անվտանգության հարցը։ Ի՞նչ եք կարծում, այն իսկապե՞ս լուրջ վտանգ է ներկայացնում տարածաշրջանում, թե՞ մեր հարեւանների հիստերիան այլ ենթատեքստ ունի։
ՊԱՏԱՍԽԱՆ. Թուրքիան ղալաթ է անում, որ պահանջում է։ Սա առաջին դեպքը չէ, որ Թուրքիան փորձում է աշխարհին համոզել՝ իբր Մեծամորի ատոմակայանը մեծ վտանգ է ներկայացնում տարածաշրջանում։ Այդ երկիրն առիթը բաց չի թողնում Հայաստանի նկատմամբ իր անվստահությունը հնչեցնել Եվրոպական տարբեր կառույցների հարթակներից։ Ակնհայտ է, որ աէկ-ը Հայաստանին անհրաժեշտ է, իսկ անվտանգության հնարավոր բոլոր պահանջներն այնտեղ պահպանվում են։ Հայաստանում աէկ-ը կարող է փակվել միայն այն դեպքում, երբ մենք կունենանք նոր ատոմակայան կամ այլընտրանքային էներգետիկ այլ աղբյուրներ։ Հավելեմ, որ ցանկացած գործող կառույց, որը Հայաստանին օգուտ է բերում, Թուրքիային հիստերիայի է հասցնում։ Թուրքիայի բարի նպատակների վրա հույս դնել չի կարելի, այլապես մեր սահմանները վաղուց բաց կլինեին։
ԱՂՎԱՆ ՎԱՐԴԱՆՅԱՆ
ԱԺ ՀՅԴ խմբակցության անդամ
Կարդացեք նաև
Պատրաստեց Սուսաննա ՄԱՐՏԻՐՈՍՅԱՆԸ
Հոդվածն ամբողջությամբ կարող եք կարդալ «Ժողովուրդ» թերթի այսօրվա համարում
