Կենտրոն եւ Նոր-Մարաշ վարչական շրջանների ընդհանուր իրավասության դատարանում ԱԻՄ առաջնորդ Պարույր Հայրիկյանի դեմ մահափորձի գործով իր ցուցմունքը տվեց ամբաստանյալ Սամվել Հարությունյանը: Նա հրաժարվեց պատասխանել կողմերի հարցերին:
Նա ասաց, որ Վարդան Սեդրակյանն իր աշխատանքի դիմաց պարտք է եղել իրեն, մինչեւ հինգ հազար դոլարի չափով, եւ որոշել է գումարը այդ եղանակով վաստակել:
Նա պնդեց գրեթե այն ցուցմունքը, որը տվել էր Պարույր Հայրիկյանի վրա կրակողը՝ նախկինում դատված Խաչիկ Պողոսյանը:
Նա նախաքննության ցուցմունքների հրապարակման ժամանակ հայտնել էր, որ Սանկտ Պետերբուրգից վերադառնալով Վարդան Սեդրակյանը տվել էր պատվերը՝ Հայրիկյանին վախեցնելու:Մինչդեռ, Պարույր Հայրիկյանի հարցին, թե արդյոք, անցյալ տարվա նոյեմբերին եղել եք Սանկտ Պետերբուրգում, Վարդան Սեդրակյանն ասաց, որ չի եղել: Այս ամբաստանյալը նախաքննության ժամանակ հայտնել էր, թե Վարդան Սեդրակյանն իր աշխատասենյակում ցույց էր տվել «Հայկական ժամանակ» օրաթերթում առկա մյուս նախագահի թեկնածուների նկարը, ասել էր, սա պետք չէ, ապա մեկի համար էլ ասել էր՝ հինգ երեխա ունի, մեղք է, եւ ցույց էր տվել Պարույր Հայրիկյանի նկարը:
Կարդացեք նաև
Նաեւ հաստատել էր այն ցուցմունքը, որը տվել էր Խաչիկ Պողոսյանը, այն է` վախեցնել ՀՀ նախագահի եղբորը եւ փեսային:
Մանրամասները քիչ անց:
Ռուզան ՄԻՆԱՍՅԱՆ
